دخل هاشتاج "محمد رمضان"، فى قائمة الأكثر تداولا بالتريند المصرى على تويتر، بعد طرحه أمس فيديو كليب "هما عايزينها فوضى"، وتدور أحداث كليب حول الأوضاع فى مصر حالياً، والتى يعلن من خلاله الفنان محمد رمضان دعمه للدولة المصرية ووقوفه إلى جانب مؤسسات الدولة ضد محاولات استهدافها.
وتخطى فيديو كليب "هما عايزينها فوضى" للنجم محمد رمضان، من إنتاج سينرجى، حاجز المليون مشاهدة فى أقل من 24 ساعة، بعد نشره الفيديو أمس الأربعاء على قناته على "يوتيوب".
كلمات أغنية "هما عايزينها فوضى"
ولا أنت مش راجل
بعد ما هربت بعيد جاى تعمل فيها مناضل بالباطل
ازاى عايز تخطط لمستقبل شعب كامل
لو مشروع حياتك الوحيد اللى انت عملته فاشل
تعرف ايه انت عن الشارع واللى بيحصل فيه
تعرف ايه عن الطفل اللى من صغره بيصرف عالبيت
تعرف ايه عن الغلبان اللى بيعرق لأجل الجنيه
اكيد مسمعتش صوت الشعب وانت جوه الكباريه
تعرف ايه عن الاصول وحق الملح والعيش
تعرف ايه عن الامان اللى سببه الشرطه والجيش
اللى مالوش كبير بيشترى ده اللى اتربينا عليه
و ده بينفى انتماء الشارع اللى بتدعيه
طب افترضنا ان كلامك ده بجد
لما نعض فى بعض ازاى ده هجيبلك حق
استنى انت بتقول انك مقاول
فطبيعى مش هتلاقى فرصه شغل غير لما الدنيا تتهد
البينه على من ادعي
لو اتفرقنا مين وراك هيبقى ليه منفعه
ابليس واخوانه عايزينها مولعه
مصر جنه بيهابوها عشان اهلها متجمعه..
هما عايزينها فوضى فوضى فوضى فوضى
مهما هيعلوا صوتهم لسه صوت الحق اوضح
عدى علينا كتير منكم على مر الازمان
احنا مقبره غزاه انتوا مجرد هواه
الخسيس الجبان ملوش وسطنا مكان
هنفكركم لو نسيتوا بلد الامن والامان
اللى اتذكرت فى القرأن وبتعلى كل يوم بولادها
اللى منهم عالحدود واللى بيذاكر المنهج
الفلاح والصنايعى والظابط والام فى بيتها
مش اللى قرر انه يبيعها ويهرب منها بعيد ويسيبها
الراجل اللى بجد لو ليه حق مش هيسيبه
لو هرب اخر الدنيا لازم يرجع ويجيبه
عذرا على التشبيه بالنسبالنا التخريف
زى اى فيديو ليك مفيش عاقل عايز يعيده
هما عايزينها متدمره
بالنسبالنا وطن بالنسبالهم مستعمره
بالعدل والسلام هنتحرك لقدام
مستحيل نرجع خطوه تانى ورا
هما عايزينها فوضى فوضى فوضى فوضى
مهما هيعلوا صوتهم لسه صوت الحق أوضح
ويعد كليب "هما عايزنها فوضى" التعاون الرابع بين محمد رمضان والمخرج ياسر سامى بعد كليب أغنية "مافيا" و"القمر" والحفلة الأولى لمحمد رمضان التى أقيمت فى القاهرة بالتجمع الخامس.
يذكر أن محمد رمضان احتفل مؤخرًا بوصول قناته الرسمية على يوتيوب، إلى 2 مليار مشاهدة.