رسائل شكر لأشرف زكى من نجوم الفن بعد مجهوداته فى جنازة هيثم زكى

أشرف زكى أشرف زكى
 
سارة صلاح
عمرو يوسف: الرجل الذى لا ينام.. الرداد: ضهر حقيقى لنا كلنا.. ماجد المصرى: نعم الأب والأخ و الصديق.. ومحمد رمضان: يتصدى لأى أزمة

حرص عدد من نجوم الفن، على توجيه رسائل شكر، للفنان أشرف زكى نقيب المهن التمثيلية، لمجهوداته الجبارة وعلى وقوفه دائمًا فى الصفوف الأولى فى أى شدة يمر بها أبناء نقابة المهن التمثيلية وعلى موقفه مع الفنان الراحل هيثم أحمد زكى وحرصه منذ اللحظة الأولى على تذليل كافة العقبات سواء باستلام الجثة حتى الدفن ثم دوره فى العزاء.

وكتبت الفنانة دنيا سمير غانم عبر انستجرام، قائلة: "أنا بشكر حضرتك جدا، مش بس عشان موقفك مع أخونا هيثم أحمد زكى الله يرحمه لكن عشان مواقف إنسانية كتير جدا كلنا شفناها من حضرتك على مدار سنين طويلة هى حقيقى طالعة من قلبك مش بس عشان منصبك كنقيب مبيفرقش بين فنان كبير أو صغير، أنا حبيت أكتب البوست ده عشان أشكرك على مجهودك، وإخلاصك وأنا حقيقى فخورة بحضرتك، ومتأكدة إن ده نفس إحساس كل زملائي.. شكرًا جدًا"، ومن جانبها علقت الفنانة روجينا على رسالة دنيا قائلة: "حبيبتى يادنيا شكرا على كلامك دا ربنا يديله الصحة ويفضل سند لنا كلنا".

دنيا سمير غانم
دنيا سمير غانم

كما عبر الفنان محمد رمضان، عن فخره بما يقوم به الفنان أشرف زكى عبر حسابه على انستجرام، وكتب رمضان قائلا: "هذه الصورة بعد عزاء صديقى النجم هيثم أحمد زكى رحمة الله عليه، كان لا بد أن أشكر نقيبنا العزيز دكتور أشرف زكى على وقوفه دائمًا فى الصفوف الأولى فى أى شدة يمر بها أى من أبناء نقابتنا، شكرًا أخى الكبير ونقيبى ودكتورى بالمعهد العالى للفنون المسرحية ورئيس أكاديمية الفنون دكتور أشرف زكي"، وعلقت روجينا على بوست محمد رمضان قائلة:" شكرا يامحمد ياغالى ربنا يديلة الصحة وطوله العمر ويفضل السند".

محمد رمضان
محمد رمضان

 

وكتب الفنان ماجد المصرى، رسالة شكر للفنان أشرف زكى، قائلا: "كل الشكر والتقدير والاحترام للدكتور أشرف زكى ونعم الأب والأخ والصديق".

ماجد المصرى
ماجد المصرى

 

بينما فال الفنان عمرو يوسف:"دكتور أشرف زكى الرجل الذى لا ينام.. الحقيقة مفيش كلام يتقال يوصف جدعنة ورجولة الراجل ده مجهود ومحبة ودعم للصغير قبل الكبير الحقيقة سند وضهر وموجود لأى حد فى اى وقت ، مش بس وقفته مع هيثم أحمد زكى بس وقفته مع اى حد يحتاجه ، تليفونه مفتوح 24 ساعة ، شكراً يا حبيبنا يا محترم".

عمرو يوسف
عمرو يوسف

 

فيما كتب الفنان حسن الرداد، قائلا:" الاستاذ المحترم دكتور أشرف ذكى، مش عارف أشكر حضرتك أزاى على جدعنتك ومواقفك الإنسانية الصادقة مع كل الفنانين على مدار سنين طويلة انا شاهد على كتير قوى منها وآخرهم اخونا المغفور له بأذن الله هيثم أحمد زكى ، كنت واقف كأب وصديق واخ بكل حب وصدق مش عشان منصبك كنقيب لكن عشان حضرتك راجل محترم وجدع وضهر حقيقى لنا كلنا ، حقيقى انا فخور انى انتمى لنقابة حضرتك نقيبها وفخور انى اعرف حضرتك وانك استاذى ،ربنا يكرمك ويوفقك ويديك الصحة، شكرا استاذى العزيز".

حسن الرداد
حسن الرداد

أما الإعلامية إنجى على، فكتبت: "الدكتور أشرف زكى الأخ والصديق وعشرة السنين حقيقى من الشخصيات المحترمة والجدعه اللى الواحد لازم يقولها مش عارفه اتكلم عن ايه ولا ايه من مواقف كتير مع كل الناس فى حزنهم وفى فرحهم وفى مشاكلهم فى اى وقت تليفونك مفتوح للناس كلها اللى أنا شايفاه دلوقتى من كمية الحب والاحترام والتقدير اللى الممثلين بيتكلموا فيه عنك وعن شهامتك وجدعنتك معاهم فى مواقف كثيرة ، وأخر موقف وقوفك مع الفنان الراحل هيثم أحمد زكى الله يرحمه ،يؤكد فعلا إن يابخت الممثلين فعلا بنقيب زى اشرف ذكى ، ياريت يكون فى نقيب زى حضرتك عندنا كإعلاميين رجل الموقف المخلص شكرا دكتور أشرف زكى".

إنجى على
إنجى على

وقالت الفنانة إيمى طلعت زكريا، فى رسالتها: "الراجل شغال دينامو بجد ربنا يجازيك خير على كل حاجه حلوه بتعملها مش بتلحق ترتاح كل يوم تفقد حد عزيز وعارفه انك مقصرتش ولا بتقصر وكنت صاحب وعشره عمر ودراسه ومعهد مع بابا مش علشان كده بس انت فعلا إنسان خلوق يادكتور ويابخت نقابتنا بيك مفيش كبير او صغير احتاجه وملقهوش وربنا يحفظك يارب".

 
إيمى طلعت زكريا
إيمى طلعت زكريا

 


اضف تعليق
لا توجد تعليقات على الخبر