شقيق هيثم زكى لـ«عين»: ما صدقتش اللى شككوا إننا إخوات

رامي عز الدين رامي عز الدين
 
ذكى مكاوى

"أكتر حاجة سببت ليه ألم الأيام اللى فاتت بعد وفاة هيثم هى التشكيك فى انى أخوه"، بتلك الكلمات بدأ رامى عز الدين الأخ غير الشقيق للفنان الراحل هيثم أحمد زكى حديثه معنا قبل عودته إلى لندن بعد أيام قضاها فى مصر قضا فيها مراسم العزاء.

رامى عز الدين الذى يعيش فى لندن منذ أكثر من 20 عاما بصحبة أبيه كشف لنا عن أكثر شىء وجعه خلال الفترة الماضية بقوله: ما صدقتش لما سمعت وانا فى لندن ان فى ناس كتير بتشكك فى انى اخو هيثم، بحجة ان هيثم كان وحيد ومالوش اخوات، وحسيت ان الموضوع فى حاجة غلط مش مفهومة خاصة ان صورتى مع هيثم موجودة على جوجل، وأى حد حابب يرجع ليها هيلاقى ماما هالة شيلانى وهيثم واقف جنبنا الأمر اللى بيقطع أى تشكيك فى الموضوع".

هالة فؤاد وهيثم احمد زكي ورامي عز الدين

هالة فؤاد وهيثم احمد زكي ورامي عز الدين

 

بعد ذلك كشف رامى عن أنه نسى الأمر بمجرد نزوله إلى مصر ومشاهدة عزاء أخيه وحالة الحب الكبيرة من قبل الجميع له حين قال: "حسيت إن مصر كلها بتحب أخويا وزعلانة عليه، وده اللى أكد لى ان اللى شككوا فى انى اخوه قليلين جداً، علشان كده انا ها ارجع لندن وانا ممتن لكل الناس اللى بتحب أخويا، وحاولت تقف جنبنا فى عزاه".

وفى النهاية أكد رامى أنه طوال الأيام الماضية لم يزر فيلا هيثم نهائياً بقوله: "حسيت انى مش ها اقدر ادخلها الفترة دى نهائياً، وبالتالى أجلت الأمر لزيارتى القادمة لمصر، واللى لسه ما حددتش ها تكون امته، ولكن المرة دى ما كانش ينفع نهائى أدخلها".


اضف تعليق
لا توجد تعليقات على الخبر