أكد النجم محمود العسيلي فى ندوة "عين" أنه حتى يكون متواجدا في التمثيل، لا بد أن يكون الموضوع بخطوات ومحسوبة ومدروسة جداً لأنه لن يستطيع المخاطرة، مشيراً إلى أن فيلم "خليج نعمة" الذى خاض به أولى تجاربه كممثل وعرض عام 2007 هو فى السبب فى ابتعاده عن التمثيل وعدم تكرار التجربة مرة أخرى.
وتحدث العسيلي عن تجربة الفيلم وقال: "كانت تجربة ناجحة جداً باعتراف الجميع ولكن بالنسبة لى مش شايفها تجربة ناجحة خالص.. فيلم يحقق الفيلم نجاحاً على المستوى السينمائي وقتها رغم لأنه وقتها عمل ايرادات أكتر من أفلام نجوم كبار ولكن المشكلة ليا انى كممثل لم يضف لى شيء وبقول كدا علشان لازم اكون صادق مع نفسي، وأنا شايف انى طلعت بشخصيتي الحقيقة بس متعصب شوية "محمود العسيلى بيس بيزعق"، والحاجة الحلوة الوحيدة ليا هى الأغاني لأنها اختصاصي فبعد الفيلم الأغاني نجحت جدا والفيلم دلوقتى كلاسيك نجح تليفزيونيا ومع الناس، وبالنسبة لى كانت مش ناجحة أوى التجربة ولم تضيف لى بشكل كبير".
وأوضح العسيلى أنه امتنع عن التمثيل بعد ذلك قائلا: "بعد الفيلم جالى عروض كتير جدا وكلها كان لازم ادخل فيها وأكمل علشان التواجد، لانك كل اما بتكون موجود فانت مطلوب، هتعمل وحش هتعمل حلو هتتعرف على الناس وهتبقى موجود، أحمد فهمى بقى من أهم الممثلين واختار الطريق دا، وادوارد أيضاً بقى متواجد بقوة، وكذلك ومى كساب وكلهم بقوا ممثلين أكتر من مغنيين وهما اختاروا كدا وبدأوا الطريق وكملوا فيه، لكن أنا كعسيلى مكنتش اقدر اخد المخاطرة دى لأنى شايف سلاحي الأساسي هو الموسيقى وفضلت وراه لحد ما حققت اللى بدور عليه، والتمثيل خطوة جميلة وانتشارها اسهل وفلوسها احسن ولكن سلاح ذو حدين".