كشف الفنان أحمد فلوكس عن زيجته الجديدة، وقد تحدث عن قصة حبهما عبر حسابه على إنستجرام، وكتب فلوكس قائلا: "ههه بسببب الصوره دى قالوا عليا اتجوزت وبقضى شهر العسل وقابليها قالوا عليا إني اتجوزت عرفى وقابليها قالوا كلام كتير بس احب دلوقتي اقول انا ايه ..... الحقيقه اه ادعولي اتجوز الإنسانة اللى قابلتها والحقيقة هي كانت معايا في نفس المدرسة وعشرة سنين ومش زي ما قالوا خبيرة تجميل هي الحقيقة سيدة أعمال فى مجال السياحة".
وتابع "وبنت ناس محترمين جدا ومن عيله ولان وزنها يتاقل دهب والحقيقه علشان اقدر اروح اطلب اديها و انول شرف جوازها محتاج ترتيبات كتير و احوش كتير علشان مهرها اكيد مش مهر عادي ولا شبكتها هاتكون شبكه عاديه ... وبما اني مش صغير وعندي ابن فاكيد هي كمان مش صغيرة و اكيد عندها ولاد من اجمل الاولاد اللي شوفتهم في حياتي فا اكيد الجواز محتاج وقت و تحضير و علشان اروح لاهلها ده لوحده موضوع كبير .... فا علشان كده لسه ماخدتش خطوه صريحه".
واختتم فلوكس رسالته قائلا "ادعولي علشان ساعات بيكون رزق ربنا لعبده هو واحده زي دي تشاركه حياتوا ... للي مهتمين بجوازي ادعولي ربنا يوفقني ..... دي ردي علي موضوع الجواز ... و في النهايه احب اقول كلمه واحده بالنسبه لموضوع السرير (سكر محلى محطوط عليه كريمه)".
وعلى الجانب الآخر أعلن الفنان أحمد فلوكس عن تعاقد شركته على مسلسل إذاعى مع طليقته الفنانة هنا شيحة، بعنوان "طلقنى شكرا"، بعد مرور أشهر علي انفصالهما، ونشر عبر حسابه بموقع "أنستجرام"، فيديو لهما خلال التعاقد، معلقا عليها بأنه تم التعاقد مع الفنانة هنا شيخة على بطولة المسلسل الإذاعى الجديد.