تقدم المذيعة عبير أبو طالب برنامج "وصال" على شاشة التليفزيون المصري إخراج وليد التاجي نائب رئيس الفضائية المصرية، وهدف البرنامج هو نقل أخبار المصريين فى الخارج .
من ناحية أخرى هاجمت السيدة ميرفت خليل، رئيس عام إتحاد المصريين فى الخارج "فى بريطانيا"، مذيعة التلفزيون المصري عبير أبو طالب عندما كتبت بوست على موقع التواصل الإجتماعي فيس بوك يحتوى على "أنتو فين يا إتحاد المصريين فى الخارج من المشكلة اللى احنا فيها؛ عشان أنتو بتقولوا أنى بهاجمهم" .
وعلقت السيدة ميرفت قائلة للمذيعة عبير أبو طالب: مع احترامى لبرنامجك اللى لا يتعدى عن 15 دقيقة او الساعة زى أى مذيعة ليها برنامج احنا عندنا برامج محترمة جدا زى برنامج الطير المسافرعلى قناة الصعيد وبرنامج المصرية مباشر، كلهم ناس محترمة جدا وبيتحدثوا عن المصريين فى الخارج ولكن لم يحدث توصية من أى حد فيهم على المصريين فى الخارج"
وصرحت أيضا : أنتى لم تذكرى لا بخير ولا شر مبادرة وزيرة الهجرة عن تواصلها مع أبناء مصر فى الخارج عشان العالقين، معظم أعضاء إتحاد المصريين فى الخارج على هذه المباردة، احنا بنجمع الجهود مش كل واحد هيعمل حاجة لوحده .
وأضافت "إتحاد المصريين فى الخارج له أسامى مختلفة وبنعمل أشغالنا منفردين، لكن لما يبقى فى وباء زى ده محدش عارف أخره فين فالمفروض احنا هنوحد جهودنا وننضم مع وزارة الهجرة واتشرفت بأنى على مبادرة معالى الوزيرة نبيلة مكرم" .
وأستكملت حديثها عن السيدة عبير حضرتك متعرفيش حاجة بتدخلى تهاجمى لإنتمائك لفئة معينة اللى هما دخلوا يعلقوا عندك بألفاظ تحمل حقد، المفروض حضرتك مذيعة تحترمى الوظيفة بتاعتك فى ماسبيرو زى باقى الزملاء المحترمين؛ عشان ملف المصريين فى الخارج بقى حاجة مشهورة قوى وخصوصا بعد انصاف الرئيس لينا اننا مشرفين بلدنا فى الخارج" .
وصرحت أيضا ب "اعملى اللى عايزاه لكن توصى نفسك على المصريين فى الخارج ده لا؛ لأن مفيش حد له توصية عليهم. احنا بنسعد جدا لما بنطلع نتكلم فى أى برنامج؛ عشان بنظهر اللى بيعملوا المصريين فى الخارج" "احنا بنساعد المصريين فى الخارج على قد ما بنقدر والتعاملات المادية كل دى طالعة من جيوب المصريين فى الخارج. مفيش حد بيدفعلنا حاجة، احنا فئة وطنية مية فى المية تعمل من واقع حبها لمصر"
وانهت حديثها ب " لازم كان حد يطلع يرد عليكى لأنك قاصدة فى كلامك مؤسسة بذات عينيها طالما أنتى مش فاهمة يبقى لازم حد يرد عليكى يفهمك فمن فضل حضرتك أستاذة عبير ليس لكى حق أنك تتكلمى باسم جميع المصريين فى الخارج؛ لأن ليهم وزارة هجرة ولهم وزيرة عاملة مبادرة رائعة جدا جدا وبتعمل مجهود غير عادى، فياريت حضرتك تلتزمى بأخلاقيات الوظيفة بتاعتك" .