أكد الفنان أحمد فلوكس، إنه يتمنى أن يرتبط بسيدة جميلة كانت زميلته فى المدرسة، متابعا "أنا بحب اهزر مع الناس على السوشيال ميديا علشان كده قولت الكلام ده على حسابى.. ولكن الرجالة محتاجة فلوس كتير علشان يتجوزوا .. لأن الراجل بيعمل كل حاجة، وأكتر حاجة بتضايقنى فى الجواز كلمة "بنشترى راجل" لأن الجملة ديه لو اتقالتلى هسيبها وهمشى .. جملة صعبة جدا"
وتابع فلوكس، من خلال برنامج "شيخ الحارة" مع إيناس الدغيدى، "انا مادخلتش الفن عن طريق والدى بالعكس هو كان رافض .. انا دارس إعلام قسم تصوير.. وأبويا كان عاوزنى أشتغل فى البيزنس ..وبالفعل أنا دلوقتى فاتح شركة .. لأن الفن مابقاش هو اللى تربينا عليه .. وأكبر دليل على كلامى، أنى كنت بروح الجامعة بميكروباص .. يعنى تعبت فى البداية".
وأضاف فلوكس "ماكنتش عاوز أطلق هنا شيحة لأن هنا جميلة جدا ومن الناس اللى قابلتهم ومايتعوضوش .. كانت بتحبنى جدا .. وست بمليون راجل .. ولكن أنا كراجل صعب .. صعيدى حتى لو ماروحتش الصعيد طول عمرى .. وعصبى جدا.. وفى نفس الوفت هنا مايتفرطش فيها بسهولة بس هى اللى طلبت، وطبيعى اللى هتطلبه هنا هعملهولها لغاية ما أموت"
وعن الفيديو الذى كان يهاجم فيه الهارب، معتز مطر ، قال فلوكس، "أنا عمرى ما هدخل حزب .. لكن وقت هجومى على هذا الشخص.. أى بنى أدم طبيعى هيهاجمه.. لأنه بيقول ادعاءات .. وكان من واجبى أقول الكلام ده .. أنا شفت عساكر وظباط وصف كلهم ناس بتسيب بيوتهم وبيروحوا معسكراتهم .. دول بيبنوا.. فى الوقت اللى فيه ناس بتهد".
وأضاف فلوكس أنه لا يعمل مع المنتج أحمد السبكى مرة ثانيه بسبب أنه غير راضى عن أدائه فى أخر فيلم قدمه معه "30 يوم فى العز"، موضحاً أنه منتج يعشق الفن، وعن أهم نجم فى مصر واختياره لنجم من هؤلاء النجوم "أحمد السقا، أحمد عز ، أمير كرارة" قال فلوكس أن النجم أحمد السقا مدرسه نجرى ورائها، وأحمد عز يعمل على نفسه طول الوقت ويحترم الجميع، اما الفنان أمير كرارة بدء الطريق من تحت الصفر وبذل مجهود كبير، واختار النجم أحمد السقا، واوضح أنه يحب الدراما لأنها تؤرخ.
وعن سرقة فكرة سيناريو "ظل الرئيس" الذى قدمه الفنان ياسر جلال، قال أنه أعطى للمنتج ريمون مقار السيناريو وفوجئ بتقديم العمل، ووجه له "شيخ الحارة"، أن أول حب فى حياته وقت المراهقه تركها وذهبت لطبيب نفسي بعد ما تركها، وقال "شيخ الحارة" أنه تدخل فى أزمة مرت بها طليقته الفنانة هنا شيحة كانت ستدخل السجن عقبها، ورفض فلوكس الحديث عن هذا الأمر، وعن عملها مع الفنان محمد رمضان باحدى الأفلام قال فلوكس أنه لم يتدخل فى عملها إذا كانت فرصه لها وحينما كانت تعمل هذا الفيلم لم يكن متزوجها.
وخلال فقرة "تنقذ مين"، اختار الفنان احمد فلوكس الفنان إياد نصار بين أحمد صلاح حسنى واحمد رزق، ومن النجمات أنقذ الفنانة غادة عبد الرازق بين النجمتين حنان ترك وسومة، بينما احتار أحمد فلوكس فى مسلسل "الأب الروحى"، لأنه كان من الفترض أن يكمل فى الجزء الثانى.
وعن أسوء من الكورونا أكد فلوكس أن الذل والطلم هما أسوء من فيروس الكورونا، والذى أبكى أحمد فلوكس فى حياته وفاة والدته لإرتباطه بها وكلمة تقال وهى غير حقيقية وبها ظلم، مؤكداً أنه لم يخاف من الموت أبداً وإذا كان هناك شخص واخد فقط ينقذه من كورونا قال: أبويا ماليش غيره لانه ضهرى"، ووجه له كلمة وقال "ربنا يديك الصحة وطولة العمر واتمنى اكون قدمت ولو جزء بسيط من اللى انت قدمتهولى"، وأضاف فلوكس عن إحساسه وقت الحظر قال"الملك لك يا الله" مؤكداً أنه فيروس لايرى بالعين والحميع يجلس فى منزله بسبب هذا الفيروس وتعد رساله من الله تعالى.
