طرح مطرب المهرجانات والموزع أوكا أول عمل فنى له بعد انفصاله عن أورتيجا والذى تحمل اسم "هأأأأأو"، من كلمات ايسو ومن توزيع أوكا، وهى من نوعية أغانى المهرجانات وشارك فى تقديمها "هيصة".
وكان مطرب المهرجانات أورتيجا قد أعلن انفصاله عن أوكا بعد 10 سنوات من التعاون بينهما بدون مقدمات وبشكل مفاجئ حيث حققا نجاحا سويا من أغانى المهرجانات، التى حققت نجاحات كبيرة وارتبط اسمهما سوياً طوال هذه السنوات.
وقال: "بخصوص "أوكا وأورتيجا" علشان كل الناس اللى بتقعد تبعت أنتوا ليه مبقتوش مع بعض أنتوا متخانقين، طبعا مفيش أى حاجة من الكلام ده مش عارف أرد أقولكم إيه كل واحد بيسمع حاجة من برا بيجى يقولها، أنا هوضحلكم الصورة لجمهور أوكا وأورتيجا".
تابع: "أوكا أخويا وعشرة حياتى وصديق كفاح وشفنا كل حاجة حلوة ووحشه مع بعض فمش هنيجى على آخر الزمن بعد ما نكبر، ونتخانق ونمسك فى بعض زى ما الناس بتقول، خالص يا جماعة إحنا كل القصة أن أوكا بقى لوحدة وأورتيجا بقى لوحدة وأنا بتمناله كل التوفيق فى حياته وفى شغله ويبقى أحسن حد فى الدنيا وبتمنى لنفسى أنا كمان ربنا يرزقنا احنا الاتنين ويوفقنا".
أضاف، "ودايما أوكا وأورتيجا اسمهم مرتبط ببعض مش علشان شغل علشان إحنا من قبل الشغل فى حاجات كتير أوى مع بعض، بتمناله وبتمنالى التوفيق ورنا يرزقنا إحنا الاتنين، وياريت يكون الخبر ميزعلش حد، هو الموضوع باين بس أنتوا بتقولوا كلام غلط".