يحيى الفخرانى: شكسبير لو كان عايش مش هيرضى عنى ومقدرش أبوس فى السن ده

يحيى الفخرانى يحيى الفخرانى
 
بهاء نبيل

قال الفنان يحيى الفخرانى، كل ما الموضوع يكون تقيل ممكن يدينى فرصة أضحك أكتر، يعنى مثلا فى مسرحية "الملك لير" عبقرية شكسبير باينة فيه فى عز التراجيديا ومفيش أسود من كده، ولكن لازم أكون حريص أضحك الناس برضه، وشكسبير لو كان عايش مكنش هيبقى راضى عنى.

وأضاف خلال لقائه فى برنامج "كلمة أخيرة" تقديم الإعلامية لميس الحديدى، المذاع على قناة ON، ابتعادى الفترة السابقة فى الدراما سببه أنى قرأت ورق كثير، ولكن يا إما حاجة فيها شبه من اللى عملته يا إما ميستاهلش إنى أتعب فيه، ده بالإضافة إلى مشكلة إنى بحب الموضوع يكون مكتوب ويليق بيا، ومش مجرد يلا نعمل مشروع لشهر رمضان وخلاص.

وتابع: مسلسل "نجيب زاهى ذركش" بيتكلم عن علاقة الأب وأبنائه، وأنا عملت زمان الأب البايظ فى مسلسل "يتربى فى عزو"، وعملت رومانسية زمان فى مسلسل "نصف ربيع" ومسلسل "الليل وآخره"، ولكن حاليا مقدرش أطلع أبوس فى السن ده.

وكانت الشركة المتحدة للخدمات الإعلامية، قد أعلنت عن تعاقد قناة ON العامة، برئاسة ألبرت شفيق، مع الإعلامية لميس الحديدى، لتعود ببرنامج جديد باسم "كلمة أخيرة مع لميس الحديدى"، وذلك بعد غياب عامين عن الشاشات المصرية، ويذاع من السبت إلى الثلاثاء، فى تمام الساعة التاسعة مساءً.

 

اضف تعليق
لا توجد تعليقات على الخبر