حمادة هلال: كنت شقى وأنا صغير وأوكا كان مكسوف يقدملى أغنية «أشرب شاى»

حمادة هلال حمادة هلال
 
بهاء نبيل

قال النجم حمادة هلال، عندى أخويا مدحت أكبر منى وكمان أختين أصغر منى، وأنا كنت شقى فى طفولتى، وفى مرة كنت عند أعمامى فى الأرياف فكانوا بيتدفوا فى الشتاء عن طريق "بابور الجاز"، وأنا شيلته من وراهم وحطيته تحت السرير على أساس يدفيه ولكن للأسف السرير ولع وأعمامى وقتها مبقوش يطيقونى.

وتابع حمادة هلال، خلال لقائه فى برنامج "واحد من الناس" مع الإعلامى عمرو الليثى، المذاع على قناة الحياة، أغنية أشرب شاى" نجحت وكسرت الدنيا رضا من ربنا، وأنا روحت لأوكا وهو حد محترم جدا لأنى عاوز أعمل حاجة بره الصندوق، ولما قالى عندى أغنية اسمها "أشرب شاى" فقلتله أنا عاوز الاسم ده والفكرة دى.

وأضاف، فعلا أوكا اشتغل عليها وسمعهالى، وكان خايف ومكسوف بس قلتله والله هاغنيها وتكفلت بإنتاجها وكل حاجة، ويمكن النجاح ده لأن عاملة زى طريقة أستاذنا الكبير نجيب الريحانى اللى هو علمنا إزاى الواحد يشوف الراجل عنده كارثة ونضحك، وهو دى فكرة تصويرها بأن بعد كل الكوارث اللى عند الشخص ده إنه عاوز يشرب شاى بس.

وطرح النجم حمادة هلال أغنيته الأخيرة بعنوان "طحن فى طحن"، وذلك على قناته الرسمية على موقع الفيديوهات "اليوتيوب"، والأغنية من توزيع أوكا وألحان حسن سراج، وكلمات هشام عبد الحليم، ويقدمها بشكل جديد عن أعماله السابقة وتحمل العديد من المفاجآت.

وتأتى هذه الأغنية بعد النجاح الذى حققه حمادة هلال فى أغنيته الأخيرة "جمالها" وظهرت معه فى الأغنية الفنانة الشابة منة عرفة، من كلمات ماجد صبرى، وتوزيع مادو صالح وجيتارشريف فهمى ومن إخراج أحمد عاطف، وحازت على إعجاب الكثيرون، واحتلت التريند عقب طرحها مباشرة وحققت نسب مشاهدة عالية.

 
 
4654656

 

656t4643

 

45435t435

 

342trter

 

sdfsdfsdf
 

 

اضف تعليق
لا توجد تعليقات على الخبر