رحبت الإعلامية إيمان الحصرى، بالنجمة رانيا يوسف فى برنامج مساء DMC، المذاع على قناة Dmc، ويصور البرنامج على ضفاف النيل، وتغزلت رانيا يوسف فى جمال النيل، قائلة: "بحب النيل أوى وكل المواعيد الغرامية اتصورت على النيل، ولو هعقد على النيل وآكل سميط ودقة تبقى أحلى خروجة بالنسبة ليا، أنا شخصية رومانسية جدا وبحاول أبقى واقعية؛ لأن الدنيا صعب تعيشى فيها رومانسية وتعملى كده".
وأضافت رانيا: "بخاف أتعرف على ناس جديدة لأنى اتوجعت أوى، ومش هعرف أشتغل وأنا زعلانه وحزينة موجوعة، والوحدة صعبة بس أريح من إنك تفضلى وسط ناس كذابة".
وتابعت: "بصحى من النوم بلاقى نفسى تريند معرفش على إيه واللى ماسك السوشيال ميديا بتاعتى بنتى، بس لطيف الناس حبانى، وبكره أمسك الموبايل يعنى طلعت تريند بصورة قديمة من سنة بنتى نزلتها وعاملتلها ايديت".
