رانيا يوسف: أنا مطمع للرجالة لأنى مشهورة وفنانة ومعايا فلوس ومحدش يقدر يكسرنى

رانيا يوسف رانيا يوسف
 
سارة صلاح

أكدت النجمة رانيا يوسف، أنه لا يوجد رجل يستطيع تحمل المسئولية التى تقع على عاتقها، كما أنها طوال الوقت تحارب من أجل الاستمرارية.

وقالت رانيا، فى حديث لها خلال برنامج مساء dmc، للإعلامية إيمان الحصرى، ويذاع على قناة dmc: "بزعل من خيبة الأمل، والزعل بيهدنى وياخد من طاقتى، والوجع بيخلينى عاوزه أنجح أكتر وأبقى أحسن أنا مفيش حاجة تكسرنى، مش بتكسر، مينفعش أقع، وبتكلم بينى وبين ربنا عشان عندى مسئوليات كتير فى رقبتى لازم أكمل".

وأضافت: "طول الوقت شايفينك من بره، محدش يعرف جواكى إيه، واحدة ست فى مجتمع ذكورى، الراجل ميقدرش يشيل عشر اللى أنا شيلاه، هيقع، أنا مطمع للرجالة؛ لأنى مشهورة وفنانة ومعايا فلوس، والحياة مش سهلة، بس لازم تبقى محاربة، وبرفض ارتبط بحد عشان يشيل المسئولية، محبش حد يتحكم فيا، وإنى أتجوز حد غنى عشان يصرف، لا، زى جوازاتى الثلاثة كانوا مش أغنياء بس مستورين، ومكلمتش لأن كان ناقص الأمان العاطفى والاحتواء، يفهمنى ويفهم بناتى، وملقيتش حد كده".

وتابعت: "بحب الحيوانات جدا وبعشق تربيتهم، ولازم الرفق بالحيوان، ربنا خلقه معانا فى الأرض، هو شكل وإحنا شكل، ليتكاثر، لازم يبقى فيه رحمة وعدم تعذبهم".

 
 
5ad90624-d1ca-46d1-a4e1-1d9bbe81728c
 

 

5b5447b9-0cc4-478f-af4f-80d124a1bfa9
 

 

12a06885-a017-423d-a0d9-26712b7d4c97
 

 

30d17d19-b947-4478-9190-c824b34256d5
 

 

a7c3f2cf-e854-4899-90e3-9542890d76c4
 

 

c50a31cb-587c-4652-88ea-7e96df997cd4

 

اضف تعليق
لا توجد تعليقات على الخبر