تخطت أغنية "مبطلناش إحساس" الذى طرحها النجم تامر حسنى حاجز 12 مليون مشاهدة فى 5 أيام، ودخلت قائمة الأكثر مشاهدة منذ طرحها، وهى من ألحان محمد حمزة، وكلمات محمد القاياتى، وتوزيع أمين نبيل ميكس هانى محروس، ماستر جلال حمداوى.
وتقول كلمات الأغنية: كبرنا وعقلنا مابقاش كلامهم يشغلنا، ولا بنهتم نعرف ناس بتهملنا، كبرنا وفهمنا عرفنا إن الوجع أوقات، بيجى ويمشى بس عشان يعلّمنا، بطّلنا نقيس مقامتنا بعيون الناس، مش كل الناس بتشوف ولا كل الناس تتقاس، بطّلنا نحب زيادة مبطّلناش إحساس، سيبنا اللى بيسيبنا وبطّل بُعده يتعبنا، بقينا مع اللى فاز بقلوبنا وكسبنا، كبرنا فى عينينا ودى الحاجة اللى تعنينا، بقينا ندوس على الأوجاع تعلّينا.
وكان النجم تامر حسنى قد عبّر عن سعادته الكبيرة بنجاح أحدث أغانيه "مبطلناش إحساس"، وكتب عبر حسابه بموقع "إنستجرام": "فخور إنى غنيت من قلبى موضوع مهم وإنتو صنفتوه إنه راقى وبيعبر عنكم، فخور إنه محتوى صوتى فقط يعنى مش كليب ويحقق ٤ مليون مشاهده فى يوم واحد".
وتابع: "بجد الحمد لله واستقبالكم للمواضيع الراقية بالطريقة دى بيثبت إن الناس متغيرتش، بس اللى بيعمل حاجة مختلفة وصادقة بتوصل وزى ما دايما بقول اللى بيطلع من القلب بيوصل للقلب.. شكرا لكل محبينى ومحبين مبطلناش إحساس".
كما وجه رسالة شكر لصناع الأغنية الشاعر محمد القاياتى، الملحن محمد حمزة، الموزع أمين نبيل، المهندس هانى محروس والماستر جلال حمداوى وإدارة الإنتاج هانى صليب.
وفى سياق متصل، ما زالت أغنية "اختراع" للنجمين تامر حسنى ومحمود العسيلى تحقق مشاهدات ضخمة على يوتيوب، تخططت أكثر من 25 مليون مشاهدة، وهى من إخراج تامر حسنى، بينما كلمات الأغنية للشاعر أحمد حسن راؤول وألحان أحمد زعيم وتوزيع وسام عبد المنعم.