تامر حسنى يطرح أغنيته الجديدة «فجأة افترقنا» من ألبومه «خليك فولاذى»

تامر حسنى تامر حسنى
 
عادل عبد الله

طرح النجم تامر حسنى، منذ قليل، أغنيته الجديدة "فجأة افترقنا" من كلمات الشاعر محمد عاطف، وألحان تامر على، وتوزيع يحيى يوسف، من ألبوم "خليك فولاذى".

 
 

وتقول كلمات الأغنية:

فجأة افترقنا وفراقنا

سرقنا من حضن بعض

 بعد اتفاقنا ووفاقنا القرب اتغير لبعد

سافر نصيبى بحبيبى

وكأن مفيش بينا وعد

واللى أنا رتبته وبنيته

ماتهنتش بيه

قلبى اتلخبط فى حساباته

متحير مش لاقى حل

مرمى فى سجون ذكرياته

والوحده إحساس ممل

نفسى أقابله وأشوفه تانى

لو دقيقة على الأقل

كنت بحبه بجد حتى بعيوبه اللى فيه

يا سنين واخدانى وكمان واخداه

من بعده بعانى أكبر معاناه

حكاياته معايا أنا مانستهاش

والشوق جوايا ناره مابتهداش

 

من حال الدنيا الغريبة مستعجب أصلها بتغر

مرة قريبة وحبيبة وبعدين تسقى كاسات المر

مش عارف سر التركيبة الخير أكتر ولا الشر

طب هى الأيام الحلوة بتجرى بسرعة ليه

جايز أكون غلطان مش فاهم

أو جايز جدا أكون صح

جايز من كتر اللى بشوفه وأنا بخرج من فرح لجرح

ويا عالم إيه تانى هيجرى دلوقتى أو بكرا الصبح

وإزاى هتخلص من خوفى واتغلب عليه

يا سنين واخدانى وكمان واخداه

 من بعده بعانى أكبر معاناه

حكاياته معايا أنا مانستهاش

والشوق جوايا ناره مابتهداش

 

اضف تعليق
لا توجد تعليقات على الخبر