قالت الفنانة بسنت شوقى: تعرفت على محمد فراج منذ خمس سنوات ونصف السنة، وكان أول مرة اتكلمنا فيها فى عيد ميلاد، وبعد كده اتقابلنا فى لوكيشن تصوير مسلسل "تحت السيطرة".
وأضاف محمد فراج خلال لقائه فى برنامج "It's Show Time"، تقديم الإعلامية دينا حويدق المذاع على قناة cbc، أكتر صفة بحبها فى بسنت هى إنها رقيقة، وأكتر حاجة مش بحبها أنها بتنفعل بسرعة جدا وتهدى ببطء شديد جدا.
فيما قالت بسنت شوقى، أكتر حاجة بحبها فى فراج طيبته وحنيته وأكتر حاجة مش بحبها هى عصبيته، وأنا كنت مبسوطة جدا بدوره فى فيلم "الممر"، وبقيت فخورة أكتر لما الرئيس السيسى كرمه.
يذكر أن آخر أعمال محمد فراج فيلم "الصندوق الأسود"، من قصة وإخراج محمود كامل، وسيناريو وحوار أحمد الدهان وهيثم الدهان، وبطولة كل من: منى زكى، محمد فراج، مصطفى خاطر وشريف سلامة وأسماء جلال، ومن إنتاج سينرجى وأفلام مصر العالمية، ونيو سينشرى.