محمود حميدة بندوة صلاح عبدالله: المسرح سر نجاح أى ممثل فى السينما

محمود حميدة محمود حميدة
 
بهاء نبيل – شيماء منصور - تصوير كريم عبد العزيز

قال الفنان محمود حميدة، إحنا ورثنا مصطلح إن فى ممثل مساعد للبطل عشان البطل يوصل مرتاح، وظن الناس وقتها أن الممثل السنيد أقل قيمة من الممثل الأول، وده زعل صلاح عبد الله لما سمعها للمرة الأولى ولما راح البيت قال هو أنا زعلان ليه.

وأضاف حميدة خلال ندوة تكريم صلاح عبد الله فى مهرجان الإسكندرية السينمائى لدول البحر الأبيض المتوسط، "صلاح عبد الله له حضور ومعنى كبير على الشاشة، وعايز اوضح كمان ان مسالة تكوين الشخصية واللى صلاح اتكلم عنها اساسها كله مسرح وبعد تكوين الشخصية الفنية نرى نجاح الممثل فى السينما".

وتابع، بيقولوا لصلاح عبد الله "عم صلاح وهو أصغر مني"، وصلاح مش سنيد وهو نجم كبير وتكريمه هو تكريم لمهرجان الاسكندرية نفسه.

فيما قال صلاح عبد الله، انا نزلت بوست من يومين صورة انا ومحمود وكتبت انا واللى بحبه، وجالى كم التعليقات وفرحة الناس اننا اصحاب، ولما بشوفه بحب أقعد معاه وبنجذب له.

شهدت ندوة تكريم الفنان الكبير صلاح عبد الله ضمن فعاليات مهرجان الاسكندرية السينمائى لدول البحر الأبيض المتوسط فى دورته الـ 36، حضور عدد من الفنانين منهم، الفنان محمود حميدة، الفنان عزت العلايلي، الفنانة سلوى محمد علي، المخرج عمر عبد العزيز، والناقد الأمير أباظة رئيس المهرجان.

 

اضف تعليق
لا توجد تعليقات على الخبر