قال مدير التصوير محسن أحمد، "صلاح عبد الله فنان مشع طاقة بتجذب المشاهد له ومش محتاج خد ينوره على الشاشة، وبتلاقى نفسك سعيد جدا انك شايفه على الشاشة وتحب تشتغل معاه، وشايف إن مهرجان الاسكندرية عمل حاجة عظيمة بتكريمه".
وأضاف المخرج عمر عبد العزيز رئيس اتحاد النقابات الفنية خلال ندوة تكريم صلاح عبد الله فى مهرجان الاسكندرية السينمائى، أنا سعيد بتكريم صلاح عبد الله وأنا أكبر منه ولكن عندى إحساس انه ابنى وبتورط واقوله عم صلاح برده، وأنا بشكر المهرجان انهم افتكروه لانه تعب واجتهد وبيقدر يعمل اى دور مهما كان ايه هو، وصلاح من الناس اللى أضافوا كتير للفن.
شهدت ندوة تكريم الفنان الكبير صلاح عبد الله ضمن فعاليات مهرجان الاسكندرية السينمائى لدول البحر الأبيض المتوسط فى دورته الـ 36، حضور عدد من الفنانين منهم، الفنان محمود حميدة، الفنان عزت العلايلي، الفنانة سلوى محمد علي، المخرج عمر عبد العزيز، والناقد الأمير أباظة رئيس المهرجان.