قال الفنان عزت العلايلى، "صلاح عبد الله هو راجل فنان عنده إخلاص لشغله رهيب جدا وانا لمست ده فى عمل اشتغلناه مع بعض، وكان فى مشاهد ارتكاز المفروض انه يعملها نفسه، ولو المشاهد متعملتش كويس مش هايكون لها معنى".
وأضاف خلال ندوة تكريم الفنان صلاح عبد الله فى مهرجان الاسكندرية السينمائى لدول البحر الأبيض المتوسط، قررت أذاكر دور صلاح عبد الله، وبعد ما قريته حطيت ايدى على قلبى لانى عارف ان صلاح كوميديان ودمه خفيف، والدور ده فى عمق كبير جدا".
وتابع، روحت لوكيشن التصوير وحطيت ايدى على قلبى لان لازم يتعمل مظبوط، وفعلا كان قادر وواعى جدا لكل لفظ بأدائه الجميل وقدر يوصلنى المعنى بشكله الحقيقي، وفعلا لو معملهوش مظبوط كان العمل هيقع.
شهدت ندوة تكريم الفنان الكبير صلاح عبد الله ضمن فعاليات مهرجان الاسكندرية السينمائى لدول البحر الأبيض المتوسط فى دورته الـ36، حضور عدد من الفنانين منهم، الفنان محمود حميدة، الفنان عزت العلايلي، الفنانة سلوى محمد علي، المخرج عمر عبد العزيز، والناقد الأمير أباظة رئيس المهرجان.
