محمد محيى: الموضة فى التوزيعات وبحس بغربة لما بسمع أغانى فيها ألفاظ جريئة

محمد محيى وإسعاد يونس محمد محيى وإسعاد يونس
 
بهاء نبيل

قال المطرب محمد محيى: "الموضة مش بيكون فى موضوع الأغنية أبدا، ولكن بيكون دايما فى التوزيعات والتحديثات والأصوات الجديدة، ولازم يكون مواكب لعصرنا، والأفكار بتكون فى الكلمات وشكل قالب الموسيقى يكون جديد".

وأضاف محمد محيى، خلال لقائه فى برنامج "صاحبة السعادة" مع الإعلامية إسعاد يونس، المذاع على DMC: "إحنا مش بنخترع مزيكا جديدة، ولكن إحنا لازم نكون متواصلين بالأجيال اللى قبلنا ومتأثرين بيها وإحنا حتى الآن بنسمع عبد الحليم حافظ وأم كلثوم، وعلى الحجار ومحمد منير وبنسمع تجارب كثيرة واتعلمنا منها والأجيال اللى بعدنا كذلك".

وتابع: "أنا معرفش أكون غير محمد محيى، وساعات بحس بالغربة لما أسمع أغانى فيها ألفاظ أو أفكار جريئة؛ لأن جيلنا كان فيه رقابة، وكنا بنقدم حاجات مفيهاش إسفاف أو حاجة وحشة، ولكن دلوقتى بقينا نسمع الموضوع نفسه مجرم وبيتقدم بإجرام، وكتير من الناس ممكن يعجبها، ولكن فى العموم أنا بسمع كل شىء".

 
 
125274488_442548760081289_619245059913500281_n

 

 

125916444_2752386238356281_6322826964353770793_n

 

 

125242360_1854923988007235_5256792653645976726_n

 

 

125372658_829845774472051_4274489763390592874_n

 

وحقق المطرب محمد محيى نجاحا جديدا بعد طرح أغنيته الأخيرة "بعدنا" على يوتيوب، والتى حققت مليون مشاهدة فى 3 أيام، وجاءت ردود الفعل على الأغنية إيجابية، وهى من كلمات أحمد مرزوق وألحان وتوزيع محمد رحيم، ماستر أمير محروس.

وكان محيى قد طرح عددًا من أغنياته الجديدة، أبرزها "سهرانين" من كلمات نور حمدى، وألحان محمد محيى، وتوزيع محمد العشى، وحققت نجاحًا كبيرًا، وكذلك "فوضت أمرى"، من كلمات أشرف أمين، وألحان محمد محيى، وتوزيع محمد العشى، وأغنية "قلت أخونه"، من كلمات نور الدين حمدى، وألحان كريم حمدى، وتوزيع الموسيقى فهد، وأغنية "قضية" من كلمات رضا أمين، ألحان مصطفى عوض، توزيع موسيقى فهد.

 


اضف تعليق
لا توجد تعليقات على الخبر