أكد الدكتور أشرف زكى، نقيب المهن التمثيلية، أنه ضد أى فنان يتجوز فنانة ثم يقعدها بعد الجواز، قائلا: "أنا ضد ممثل يتجوز ممثلة ويقولها قعدى فى البيت هى مكنتش بتعمل حاجة غلط دى موهبة من عند ربنا، أنا اتقدمت لروجينا، وهى عندها طموح تبقى ممثلة ناجحة وشاطرة، ولازم أقف جنبها وأشجعها".
وروى أشرف زكى، خلال برنامج صاحبة السعادة للنجمة إسعاد يونس المذاع على قناة dmc تفاصيل شرائه بدلة الخطوبة، قائلا: "قبل يوم واحد من الخطوبة نزلت مع وحيد سيف ندور على البدلة، لفينا دخلت محل لقيتها وقتها 500 جنيه، قلت له غالية أوى، روحنا محل تانى لقيت واحدة حلوة ومظبوطة، وقام وحيد سيف جابها ليا هدية الخطوبة".
كما تحدثت روجينا عن هدية فؤاد خليل لها أثناء شراء الشبكة قائلة: "دخلت المحل أشوف الشبكة فضل يقولى دورى على حاجة حلوة لحد ما لقيت اللى عجبنى وجبهولى هدية، مضيفة كان فنان جميل جدا".
يذكر أن برنامج "صاحبة السعادة"، تقدمه الفنانة إسعاد يونس، يومى الإثنين والثلاثاء من كل أسبوع على قناة "dmc"، فى تمام الساعة الحادية عشرة مساء.