اعتذرت النجمة مي عز الدين لجمهورها عن عدم مشاركتها بأي عمل جديد في رمضان، وكتبت اعتذارا عبر حسابها الخاص على موقع التواصل الاجتماعي انستجرام قائلة: "أنا أسفة جدًا والله أنا بعتذر لكم لتاني مرة وبوعدكم بإذن الله نكون مع بعض رمضان القادم إن شاء الله".
وتابعت:"أنا أسفة كمان لأني أكيد مش بقدر أفتح كل الرسايل وأرد عليها، لكن والله أنا قلت من بدري السنة دي إني اضطريت لإلغاء مسلسل السنة دي وإني مش هلحق"، وأضافت: "عموما كل النجوم المتواجدين منورين الشاشة وإن شاء الله نستمتع بيهم السنة دي وأنا معاكم وربنا يجمعنا رمضان القادم بإذن الله".
كما وجهت مي رسالة للنجم محمد رمضان قالت فيها: "وأخيرًا أنا بوجه نفس الرسالة لمحمد رمضان لأني أنا بقى كمشاهدة مفتقداه هو كمان السنة دي ومستنياه الموسم القادم يكون موجود زي ما اتعودت وجنبي كده سواء في القناة أو في بوسترات الشوارع، ربنا ما يقطع لنا عادة مبروك لكل النجوم وكلنا هنتابعهم وأنا معاكم ونفرح بيهم".
