وجه النجم تامر حسنى عدد من النصائح للاعبى فريقى الأهلى والزمالك قبل مباراة اليوم المرتقبة، حيث كتب على حسابه بالفيس بوك، "رأيى الشخصى المُتواضع.. مهما اتكلمنا كلنا فى الروح الرياضية الجميلة فى كرة القدم مش هيكون كلامنا مؤثر زى أصحاب الرياضه نفسها،
يعنى لو صداقتهم الطيبة تبان فى العلن من خلال بوستات فيها سلام بين اللاعبين هتخليهم ينقلوا الروح السلمية دى للناس ولكُل الجماهير، ولو أثناء المباراة حد خبط حد يعتذرله ويطّمن عليه، الناس فوراً هتفرح بالروح دى والروح دى هتنتقل للبيوت وللجماهير ومش هيكون فى أى نزاعات".
وأضاف تامر، " لو المباراة خلصت وكل لاعب جرى حضن لاعب من الفريق التانى فعلاً هيخلوا الناس فى البيوت وكل مكان فى نفس حالة السلم اللى هيصدروها، حتى لو إدارة كل نادى ألزمت كل فريق بالروح دى إجبارى لإن ولادنا يستاهلوا إنهم مايكرهوش بعض ولا يتخانقوا بسبب رياضه المفروض إنها بتجمع الناس، مش منطقى برضو كل ماتش الناس تحس إن فى حرب هتحصل !! وبين مين !! أهم وأعرق الأندية المصرية اللى مشرفينا فى كل الدنيا، يارب كل الخير ليهم ولأولادنا وللجماهير العظيمة المخلصة".
واختتم كلامه قائلا: "زمالك أو أهلى يعنى مصر والدنيا كلها بتتفرج النهاردة على أولاد مصر وبعون الله هنرفع راس مصر لأن النتيجة أيًّا كانت فهى مصرية".
تامر حسني
