استرجع النجم عبد الرحمن أبو زهرة، ذكريات زواجه وقصة حبه لزوجته، ببرنامج صاحبة السعادة للنجمة إسعاد يونس المذاع على قناة dmc.
وعن قصة حبه، قائلا: "قصة ولا فى الخيال ولما شفت سلوى شىء ما تغير فى داخلى، وكنا بنشتغل سوا، وطلبت إنى أوصلها، وكانت ساكنة فى مصر الجديدة، وصلتها واستظرفتنى، وقولتلها عاوز أقابلك، وقولتلها يالا نتجوز، وضحكت وقالتلى يالا، تانى يوم روحت خطبتها وبعد أسبوع اتجوزتها، وكانت أسرع قصة حب وزواج".
وروى عبد الرحمن أبو زهرة أصعب لحظات حياته بعد وفاة زوجته، قائلا: "لحظة الموت اللى واجهتها فى حياتى موت زوجتى سلوى الله يرحمها الفنان، اللى عنده خيال بيتعذب، كل شوية أفتكر كانت قاعدة هنا بنعمل سوا هنا، وكانت دمها خفيف جدا فى الكوميديا".
وسألته إسعاد يونس، لماذا منعها من التمثيل بعد الزواج، قائلا: "كنت بحبها أوى وغيور أوى، وكنت بعشقها، وكنت كل ما أروح المسرح أتفرج أغير عليها، قولتلها وأقنعتها بلاش مسرح كل ما اجى مسرحية ليكى ينزلى اللوز، ثم بدأت بالتأليف وحست بمتعة أكتر من التمثيل فى التأليف".
