حسين الجسمي.. بشرة خير وحب دائم لمصر وغنى في كل مناسباتها الحاسمة

حسين الجسمي واغاني وطنية يهديها لـ مصر

حسين الجسمي.. دائما مصر تظل وستظل في قلوب كل المطربين العرب  لذلك غنوا لها  وتغزلوا في جمالها ونيلها وطيبة شعبها و قوة جيشها  وكانوا في معظم المناسبات داعمين لها  ومن هؤلاء المطربين الفنان حسين الجسمى  الذى غنى لمصر في كل مناسباتها   وقت الانتخابات ووقت احتفالات أكتوبر.

حسين الجسمي 

وكانت أغاني حسين الجسمي علامة  مهمة ومن هذه الاغانى اغنية بشرة خير التي كانت  من الحان عمرو مصطفى وكلمات أيمن بهجت قمر، وتوزيع تومة وكانت تدعو الأغنية المواطنين للنزول للتصويت بانتخابات الرئاسة في جمهورية مصر العربية يومى 26 و27 مايو عام    2014

وحققت اغنية بشرة خير نجاحا كبيرا  وهى تعيش في ذاكرة المصريين الى الان  والتي كانت تقول كلماتها " قوم نادي ع الصعيدي وابن أخوك البورسعيدي والشباب السكندراني اللمة دي لمة رجال.. وأنا هاجي مع السوهاجي والقناوي والسيناوي والمحلاوي اللي ميه ميه والنوبة الجُمال

وتمضي قائلة: «ماتوصيش السوايسة الدنيا هايصة كده كده والاسماعلاوية ياما كادوا العدا.. كلمني ع الشراقوه وإحنا ويا بعض أقوى وإحنا ويا بعض أقوى وأملنا كبير

وتم تصنيف الأغنية ضمن أعلى 100 كليب مشاهدة حول العالم بأكثر من 242 مليون مشاهد من يوم طرحها عبر قناة حسين الجسمي الخاصة في موقع اليوتيوب.

حسين الجسمي 

أغاني حسين الجسمي لـ مصر
 

 ومن أغاني حسين الجسمي لمصر أيضا اغنية" ما تخافوش على مصر" التي من كلمات كلمات: تامر حسين الحان: عمرو مصطفى توزيع الهامى دهيمة و أحمد حسام وهى الأغنية التى غناها أثناء الاحتفال بالذكرى الخامسة والأربعين بنصر أكتوبر بحضور الرئيس عبد الفتاح السيسى، ووجه له الشكر على ما قدمه من أعماله الفنية لدعم مصر قائلا، " لم تسنح الفرصة لأشكرك، وكنت أنتظر الفرصة لرؤيتك وأقول لك كتر خيرك، وأحييك وأحيي دولة الإمارات من خلالك"

 وتقول كلماتها

ماتخافوش على مصر خافوا ع اللى ياجى عليها

واللى عادوا مصر شافوا شر من يعاديها

أصل ناسها ولاد حلال مصر على رأى اللى قال

ربنا اللى حاميها

إتمشا إتعشا وخٌد مركب واسهر ع النيل

عٌمرك ماتحس هنا ب غٌربه مع شعب اصيل

وأمانها مفيش أأمن منها ل انصاص الليل

أول هنا أهل شهامه

والجدعان ياما ماتعدش ف الناس الحلوة

ناس يسيبوا علامه

تحيا مصر وجيشها لو تغيب توحشها

وبيوحش حبايبها اللمه مصر دنيا تعيشها

حلوة مصر الليله وكبيرة العيله

عايشين فرحتها وجاينالها

من مسافة طويلة

عيدنا كلنا عيدها نبقى وسط ولادها

فقلوبنا وفعيونا نشيلها

وربنا حايزيدها

وأيضا غنى حسين الجسمي لـ مصر اغنية سيادة المواطن ابن مصر كلمات نادر عبدالله ولحن وليد سعد

وتقول بعض كلماتها

وتقول كلماتها "سيادة المواطن ابن مصر يا حر ابن حر بعد التحية والسلام شايلك رسالة. . سيادة المواطن ببلغ سيادتك جنابك سعادتك لازم تيجى لما مصر هتقولك تعالى"،

 أيضا غنى حسين الجسمي لـ مصر اغنية " تسلم إيدينك" التى كتبها الشاعر الغنائى نادر عبدالله ولحنها وليد سعد، ونجحت الأغنية نجاحا كبيرا، وكانت موجهه للرئيس عبد الفتاح السيسى قبل توليه الرئاسة.

 وتقول بعض كلماتها

كلمات الأغاني

آه، آه، آه، آه

تسلم إيدينـك يا اللي في حـب مصر بتضحي بسنينك

يا اللي إنت وفيت وعـد كـان بينهـا وبينـك

يا اللي إنت كنـت شايلها دايما جـوة عينـك

تسلم إيدينـك يا اللي إنت شايـل هــم بلــدك فــوق كتافـك

كل اللي عرفـك واللي قابلك واللي شافـك

بيدعـي بـإسم مصـر ليــك الله يعينـك

تسلم إيدينـك) يا اللي في حـب مصر بتضحي بسنينك)

يا اللي إنت وفيت وعـد كـان بينهـا وبينـك

يا اللي إنت كنـت شايلها دايما جـوة عينـك

تسلم إيدينـك) يا اللي إنت شايـل هــم بلــدك فــوق كتافـك)

كل اللي عرفـك واللي قابلك واللي شافـك

بيدعـي بـإسم مصـر ليــك الله يعينــــك

آه

طرح أيضا النجم حسين الجسمى أغنية "رسمنالك" والتى غناها فى افتتاح العاصمة الادارية، من كلمات تامر حسين، وألحان عمرو مصطفى وتوزيع أمين نبيل وأحمد الموجى.