دعت دنيا سمير غانم، جمهورها ومتابعيها عبر حسابها على موقع تبادل الصور والفيديوهات انستجرام، إلى التبرع ودعم منظمة الأمم المتحدة للطفولة « اليونسيف» لتخفيف معاناة الأطفال اللاجئين.
وكتبت « دنيا» عبر حسابها:« كل يوم أطفال كتير مجبرين يخرجوا من بيوتهم وبلادهم على أمل يلاقوا الحياة والآمان فى بلاد تانية بعد ماضاع الآمان من بلادهم».
وأضافت: « اللاجئين مشكلتهم بتزيد مش بتقل، فيه تقرير جديد ليونيسف بيقول إن عدد الأطفال اللاجئين اللى بيسافروا لوحدهم اتضاعف 5 مرات من 2010.. متخيلين يعنى إيه أطفال تتساب لوحدها فى البحر وتواجه الرعب والموت لأنهم مش قادرين يعيشوا حياة طبيعية زى كل طفل؟ نفسى الناس كلها تعرف المعاناة والمخاطر اللى بيتعرض لها الأطفال اللاجئين بسبب الحروب والصراعات اللى بتهدد حياتهم وتخليهم عرضة للموت ده غير الاستغلال الجنسى فى الهجرة الغير الشرعية، وبتهدد كمان مستقبلهم مع عدم وجود عائل ليهم أو ضياع فرصتهم فى التعليم أو انعزالهم عن المجتمعات الجديدة اللى بيعيشوا فيها».
وتابعت:«أنا بدعى ربنا واحنا فى الشهر الكريم إن السنة الجاية تكون أحسن للأطفال اللاجئين ولكل الأطفال فى العالم. وإحنا لازم نعمل اللى نقدر عليه واللى يحب يتبرع ويدعم مجهود اليونيسف لتخفيف معاناة الأطفال».
دنيا سمير غانم