عبرت الفنانة نشوى مصطفى عن سعادتها بالمشاركة في مسلسل امبراطورية ميم الذي من المقرر أن يعرض في رمضان 2024، ومن بطولة النجم خالد النبوي، ووصفت نشوى مصطفى مشاركتها وعودتها للوقوف أمام كاميرا المسلسلات الدرامية بـ "تحويشة العشر سنين اللي فاتت، متحمسة جداً".
أخر مسلسل شاركت في بطولته نشوى مصطفى كان عام 2014 وبعنوان أنا وبابا وماما، بطولة بيومى فؤاد ولقاء سويدان، وإخراج مايكل بيوح.
نشوى مصطفى في امبراطورية ميم
وكتبت نشوى مصطفى عبر حسابها بتطبيق Facebook: "لما كان يتعرض عليا دور مش حاساه كنت بعتذر وأنا بتقطع بس كنت باقول حقى فى المرحلة دى واللي باقى من العمر انى استمتع وانا باعمل فن، وايه متعة اكبر من أنى باذن الله اكون واحدة من فريق عمل عظيم وراقى، ونص عظيم لأستاذ إحسان عبد القدوس سيناريو وحوار دكتور محمد سليمان عبد المالك صاحب الأعمال المميزة، إخراج واعى جداً جداً وناجح فى كل اعماله باقتدار واسمه بانى ثقة بينه وبين جمهوره الاستاذ محمد سلامة، إنتاج لشركة أعمالها ترند شركة أروما".
نشوى مصطفى
مسلسلات رمضان 2024
وعن تعاونها مع النجم خالد النبوى، أشارت: "وخاااااااااااااااااالد النبوى، أقصد الخالد النبوىن خالد اسمه لازم يسبقه ألف ولام، بغض النظر عن حضوره اللي ربنا صارفهوله بزيادة، هو كمان ممثل هاند ميد، ممثل يعلى أي ممثل يقف قدامه، ممثل هاوى بيذاكر وبيعيش وبيحس بمنتهى اجتهاد الممثل الهاوى وبمنتهى الاحترافية، يابختى حقيقى".
كما ذكرت: "بالمناسبة ده سادس عمل بإن الله امثل فيه مع خالد، والشاطر يقول اسماء الاعمال اللي اشتغلت فيها مع خالد - حاقول اسم العمل الاول وكنا لسه طلبة فى المعهد مسرحية البحر بيضحك ليه وللاسف متسجلتش، وكلى ثقة فى توفيق ربنا وكرمه باذن الله دعواتكم أكون عند حسن ظن حضراتكم".