طرحت المطربة زينة أحدث أغانيها بعنوان نسي الوعود من كلمات أمير شيكو وألحان أحمد نصرى وتوزيع نادر سليمان .
وتقول كلمات الأغنية: قال موجوع قال مهموم قال الناس انه المظلوم، بقى دلوقتى ده كله بسببى وانى عقلى مريض مجنون، نسى الوعود نسى العهود بقى غريب وحط حدود نزل Post وقال مقصود لم الناس وجابله شهود، غدار .. بياع .. راح ولا كان بينا وداع نسى عشرتنا .. وساب سكتنا .. قسا ف قلبه لحد ما باع، فضل يلف .. فضل يدور .. خده كبريائه ساقه الغرور، حب الظهور .. بقى مشهور .. من كتر ما قال ولسه بيقول وهو ليه .. وحشنى ليه .. مش كفاية انا هونت عليه، الدنيا عليا .. وكمل عليا .. ساب ف قلبى سواد الليل، غدار .. بياع .. راح ولا كان بينا وداع، نسى عشرتنا .. وساب سكتنا .. قسا ف قلبه لحد ما باع .
وتأتى الأغنية بعد تعاون المطربة زينة مؤخرا في اغنية مابهتمش من كلمات محمد حسن وألحان محمد يحيي وماتركس وميزو .
وتقول كلمات الأغنية : مبهتمش علشان بهتم بتهمش علشان فى جروح مبتلمش، بمين اهتم وانا حالى مبيهمش ومش فارق لا مين ييجى ومين فارق، ما انا اخرتها بتفارق، انا فى رحلة محدش فيها كان فارق حبايب مين يا قلبى اتلم سبولك جرح مش بيلم، ده يكفى من الكتير واحد يكون من قلبه بيك مهتم، حبايب مين يا قلبى اتلم سبولك جرح مش بيلم ده يكفى من الكتير واحد يكون من قلبه بيك مهتم، ما انا اهتميت بناس ياما، انا اهتميت بناس ياما لكن نسيت بنفسى اهتم حياتى لا هى شو ولا عرض، علشان يدخلها طوب الأرض ده بابى لكله كان مفتوح لكن بابى خلاص اترد حياتى لا هى شو ولا عرض، علشان يدخلها طوب الأرض ده بابى لكله كان مفتوح لكن بابى خلاص اترد، فضلت يا قلبى تتحمل فضلت يا قلبى تتحمل، وفى الاخر بيدوك طرد مبهتمش علشان بهتم بتهمش علشان فى جروح مبتلمش بمين اهتم وانا حالى مبيهمش، ومش فارق لا مين ييجى ومين فارق ما انا اخرتها بتفارق، انا فى رحلة محدش فيها كان فارق .
وقالت زينة، في تصريحات صحفية: "بذلنا مجهودًا كبيرًا مع فريق عمل الأغنية، ونتمنى أن يكلل الله مجهودنا بالنجاح"، مبدية سعادتها بالتعاون مع روتانا في أول أغانيها التي تعتبرها مرحلة جديدة في مسيرتها الغنائية، موجهة الشكر لسعيد إمام على دعمه لها خلال تلك الفترة.