عُرف الموسيقار محمد عبد الوهاب، بخفة ظله وروحه الفكاهية، حيث تداول رواد مواقع التواصل الاجتماعى "فيسبوك"، مقطع فيديو نادر له، وذلك خلال لقائه بالجالية العربية بولاية لوس أنجلوس بأمريكا عام 1987.
وتحدث عبد الوهاب خلال تكريمه بجامعة كاليفورنيا الأمريكية، قائلاً: "مساء الخير وأهلا بيكم وبرحب بيكم هنا هى جامعة العلم والفن وأنا ليا فيها زى ما انتم لكم فيها وزى اى امريكانى لانى أنا فنان ولأن ده بيتى وبيتكم".
وأضاف: "أنا مش لاقى كلام يوصف شعورى بالتكريم ده.. وزى ما قلت إن كل مكان شامخ زى الجامعة دى مفيش شك إن ده مكان بعتبره دارى".
وتابع حديثه عن نبيل عزام، قائلاً: "الأستاذ نبيل اتهمنى بإنى موسوس وماله الوسوسة ودي حب الاجادة وانا بحب اكون من الشطار كفنان مبتدأ بالنسبة للي انا عايزه.. بس عايز أرد على الوسوسة دى عشان أشيل التهمة دى عنى.. الوسوسة دى زى ما قلت نوع من حب الإجادة.. يعنى كان أكبر مثال عالمى كان موسوس وكان كل يوم لما يعمل تمثال ويرجع بيته تانى يوم الصبح يشوف التمثال يروح حاطط له حاجة على الجبين وبعدين يرجع يحط حاجة على الدقن وتالت يوم يبص له يحط حاجة على الخد لحد ما تطلع روحه وبعدها فكر يعمل تمثال لحبيبته، فعمله على أكبر مستوى من الفن والعبقرية وكل ما يبصله ميلقيش فيه حاجة تتصلح لحد ما فى يوم كسر التمثال وقال كلمة عبقرية وهى حسيت إنى انتهيت لأنى ملقتش عيوب أجملها وقعد حزين".