قالت الفنانة سمية الخشاب، إنها تزوجت 4 مرات من ضمنهم الزواج الأخير من الفنان أحمد سعد، مشيرة إلى أن كافة زيجاتها السابقة معلنة بالأسماء ومنهم رجل خليجى.
وأضافت سمية الخشاب فى حوارها مع الإعلامية سمر يسرى، ببرنامج "أنا وأنا" المذاع عبر فضائية ON E، أنها فى الفترة الحالية تتسم بأنها أكثر هدوءًا عن السابق، كما أنها أكثر حكمة أيضا فى قراراتها، وتابعت: "فى ناس كتير قالولى ملامحك خليجية، لكن أنا مصرية 100% وأفتخر بده".
وأوضحت أنها لم تقدم أدوارا كثيرة بالسينما بسبب عدم اقتناعها بتلك الأدوار، وتابعت: "طول الوقت بيجيلى سيناريوهات تافهة علشان كده مش بشتغل سينما، ويبقى عندى تاريخ أفتخر بيه أحسن ما يبقى عندى حاجات تافهة".
وأضافت الفنانة سمية الخشاب، أن زوجها الفنان أحمد سعد لا يخشى إطلاقا أن تمسك هاتفه المحمول وتستكشف ما بداخله، وتابعت: "أحمد بيسيب ليا التليفون وبرد على مكالماته، لكنا أنا فتشت مرة واحدة فى الأول علشان أطمن على اللى فيه، والحمد لله لقيته نضيف وهو شافنى ويقعد يضحك ويقولى حبيبة قلبي اعملى اللى انتى عاوزاه".
وأكدت أن غيرتها على الفنان أحمد سعد "معتدلة" أما غيرة زوجها عليها كبيرة، وقالت: "علشان هو برج الأسد لكن أنا الميزان، وأنا مش هغير عليه غيره تخنقه".
وعن علاقة الفنانة بالسوشيال ميديا، قالت سمية الخشاب: "مشكلة السوشيال ميديا، إن كل واحد بيعمل اللى هو عاوزه ومفيش قوانين بتحكمها، وأنا كنت مهملة تفاعلى مع الفانز بدوعى بس بدأت أتفاعل معاهم، وفكرة إن أصبح عليهم وأمسى عليهم حاجة مهمة جدا علشان يطمنوا عليا".
سمية الخشاب