داعب الإعلامى عمرو أديب، الفنان الكبير نبيل الحلفاوى، بسبب تدوينه مجموعة تغريدات عبر حسابه على "تويتر"، يبارك فيها للنادى الأهلى ويمازح فيها "أديب"، لأنه ينتمى لنادى الزمالك.
وقال أديب، ببرنامج "كل يوم" المذاع عبر قناة ON E: "دارى على شمعتك تقيد.. واكسبوا وانتو ساكتين.. وبلاش تزعجوا الناس التانية اللى مضايقة وتعبانه.. خلاص كسبتوا والأخ وليد جاب الجون.. هو إحنا وصلنا للمرحلة دى من الفرعنه والافتراء.. يا عم نبيل دا انت راجل قلبك طيب وعمرك ما عملت دور شر فى حياتك.. لماذا أنت شرير يا عم نبيل فى موضوع الأهلى.. قدر اخواتك اللى مش لاقيين.. قدر اخواتك اللى فى المركز الرابع.. قدر اخواتك اللى ربنا ما بيكرمهومش.. دا احنا بنتمنى جون مبيجيش".
وتابع أديب، فى حديثه لنبيل الحلفاوى: "افرحوا بهدوء.. وخلو عندكم إحساس بالناس التانية.. علشان متتنظرش وأكيد الماتش الجاى هتتغلبوا ودى بتبقى نفسى.. هو أنا هقعد حياتى أبارك للنادى الأهلى؟ أنا عاوز أبارك لأى حاجة تانية".
