نشرت الفنانة مى كساب، عبر صفحتها بموقع تبادل الصور إنستجرام، صورة بمناسبة عيد الحب.
وعلقت "مى" قائلة: أنا وفالانتين حالة فى منتهى السخرية، على فكرة الحب عمره ما كان دبدوب، ولا حتة شيكولاتة، ولا قلب أحمر قطيفة، أو بالونة على شكل قلب منفوخ بغاز يخليها لو سبتها من إيدك تطير لفوق ولا عمرك تانى تلاقيها".
وتابعت "الحب اللى أنا أعرفه يا ابنى مش بس موقف، ده مواقف وحياة، كلمة حق تتقال فى وقت الشدة من غير ما نخاف، راجل فى ضهر ست محتاجة له، أو حتى لو مش محتاجة له، يحميها وعمره ما يجور عليها، وعمرها فى ضله ما تخاف، وابن جدع يشيل أمه ويمد إيده ليها، كل عيد حب وكل اللى بيعرفوا يحبوا بجد طيبين".
واختتمت كلامها قائلة: "ملحوظة بس، كل الكلام ده ما يمنعش برضو إنك تجيب هدية حلوة لمراتك".