وجه المطرب رامى صبرى الشكر والعرفان للمطربة أصالة لمواقفها معه على مدار مشواره الفنى، مؤكدا أنها صاحبة فضل كبير عليه خاصة فى بداية ظهوره.
ونشر "صبرى" عدة صور لأصالة عبر حسابه على موقع تبادل الصور "إنستجرام" وعلق: "بسبب أصالة حضرت اول انطلاق أول حلم ليا وهو ألبوم (حبيبى الأولانى) وشاركت فى نجاحه بمجهودها وافكرها من حبها واقتنعها بيا وأنا لسه محدش يعرفنى".
وتابع: "شاركت فى فكره دويتو مش فاكر ليك وكانت سبب كبير إن الجمهور العربى يسمعنى بما إنها مطربة الخليج الأولى فالجمهور العربى كله سمعنى ونجحت الغنوه باذن الله، دايما فى حاله من الدعم من غير ما احس هيا اطيب حاجه ممكن تشوفها أو تعرفها فى وسط اغلبيته فى مشاكل نفسيه كتيررر وده بان فى محنتى وقفت مع زوجتى شيرين فى محنتى لحد ما خلصت مشكلتى بإحساسها وطيبتها".
واستكمل "كل اللى قدرت افتكرو من اللى عملته معايا كتبته اكيد فى اكتر من كده ومش هقدر اكتب كلمه شكرا عشان كلمه قليله اوى اوى عليها بس حابب أشكر حبيبى وأخى المخرج العبقرى طارق العريان وصديقى أنس نصرى على سؤالهم واهتمامهم".