إيمى طلعت زكريا تهاجم الفنانين بسبب ماهر عصام

ايمى طلعت زكريا ايمى طلعت زكريا
 
سارة صلاح

هاجمت الفنانة إيمى طلعت زكريا الفنانين بشكل عنيف، بسبب عدم حضورهم عزاء الراحل الفنان ماهر عصام، الذى رحل عن عالمنا الأحد الماضى عن عمر يناهز 38 عاما بعد صراع مع المرض.

وكتبت ايمى طلعت زكريا عبر حسابها الشخصى على موقع التواصل الاجتماعى "فيس بوك"، قائلة: "كلمة حق الشدة فعلا بتبين، موت ماهر عصام أولا الناس إللى بتكتب على الفيس، ماهر وحبيبى وعشرة عمرى والجو ده كان نفسى أشوفكوا مشرفين ف العزا أو الجنازة إللى هى بتاعت ماهر، أصل مش كل الوسط ف روسيا بيتفرج ع الماتش ولا كل الوسط ف الساحل، للأسف انا أتصدمت.. ماهر كان بيقف مع كل الناس ف الوحش قبل الحلو ولما مات كام واحد بس إللى كانوا معاه هتكلم عنهم برضه بس كفايه بقا منظره ف أم الوسط الغدار ده ريحتنا بقت وحشه دى حاجه".

وأضافت: "الحاجه التانية زى ما فى ناس وحشة وقالت ماهر مات خلاص، زى ما فى أشخاص ف نفس الوسط ده فوق الأخوات والرجولة والجدعنة، وهنيئا ليك بيهم يا ماهر هتكلم عن الفنان الخلوق صاحب صاحبه محمد عبد الحافظ لو اتكلمت عليك طول عمرى مش هوفيك حقك ربنا يكرمك ويجازيك خير على كل حاجه عملتها لصاحبك وعشره عمرك، أنا عارفه أنها كانت صعبة عليك بس أنت كنت قدها".

وختمت حديثها قائلة: "تانى راجل المحترم أشرف زكى الذى لم يبخل بشىء على أى فنان فى النقابة وموقفه مع ماهر لمثواه الأخير وأيضًا الفنان أحمد صيام والصديق المحترم الزميل حسن عيد وماجد المصرى وهانى حسن الأسمر غير كده شكليات يابختك بالناس إللى بتحبك ياماهر فى الجنة إن شاء الله يانور عينى كنت نعم الأخ والصاحب الجدع".

 

ايمى طلعت زكريا
 
اضف تعليق
لا توجد تعليقات على الخبر