حضرت صباح اليوم إلهام شاهين صلاة القداس من ستاد الدفاع الجوى بمناسبة زيارة قداسة البابا فرانسيس بابا الفاتيكان إلى مصر، وقامت إلهام شاهين بنشر صورة على صفحتها الشخصية بموقع إنستجرام، من مقر إقامة الصلاة.
وعلقت عليها قائلة " صلاه القداس اليوم معا نصلى من أجل السلام ، كنا مستمتعين جدا و التنظيم و الأمن هايل . و البابا وصل قبل الميعاد الساعه 9.30 بالظبط . والقداس بدأ الساعه 10 بالظبط . أول مرة فى حياتى أحضر مناسبه تبدأ بالظبط فى الميعاد المكتوب في الدعوه حضر القداس 25000 شخص . شئ مذهل في جماله على كل المستويات كان فيه طاقة حب تملأ المكان و الوجوه مبتسمه .تشعر بالسلام النفسى .
الناس اللي مسمعتش كلمة قداسة البابا فرانسيس .. دي اهم الرسايل اللي اتقالت فيها :
_ مسيحيين مصر مش غرب ولا ضيوف .. دول جزء لا يتجزأ من تاريخ مصر
_ زي ما مصر انقذت العالم ايام يوسف الصديق من مجاعة الحب .. واجبها دلوقتي انها تنقذه من مجاعة الحب
_ العالم محتاج قوة القانون .. مش قانون القوه
_ "الدين لله والوطن للجميع " وقالها بالعربي
_ مصر فعلآ ام الدنيا
_ قلبي وفكري مع كل شهداء الاقباط .. و كل العائلات اللي تم تهجيرها من سينا
_ الويل لكل الناس اللي بتوهم البسطاء ب "وهم الاخره" .. وتخليهم يبيعوا دنيتهم
_ حاشا لله انه يشجع الناس علي الدم والقتل .. الله بيكره العنف وبيرفضه
_ الله مخلقناش علشان نكون صناع موت .. الله خلقنا للسعاده وللحياه
_ الله مش محتاج حد يدافع عنه او يحميه .. الله هو الحمايه لكل البشر
_ بصلي انكم تكونوا محفوظين بصوات القديس مار مرقس اللي بشر مصر بالمسيحيه"