استطاع كليب الأسطورة محمد رمضان "القمر" أن يحتل التريند رقم واحد بموقع الفيديوهات يوتيوب، فيما استطاع الكليب أن يقترب من 5 ملايين مشاهدة وذلك فى 4 أيام فقط من طرحه.
كليب محمد رمضان " القمر" من إخراج ياسر سامى، وإنتاج شركة سينرجى، وعرض الكليب للمرة الأولى فى حفله الغنائى الذى أقامه بساحة مركز المنارة فى التجمع الخامس.
الكليب فكرة ياسر سامى واشراف حسام شوقى، وتوزيع إسلام مونتى وفرغلى بلاكس ومن كلمات فرغلى بلاكس وتقول كلماتها
ضيعت حياتي في ايه ربنا هيحاسبني
بصحى كل يوم مش بفكر إلا في حلمي
مفيش وقت للنوم قطر العمر بيجري
لما الأبواب تقفل بقف و أكسرها برجلي
سألوني نفسي اطلع ايه لما اكبر
قولتلهم حلمي اني اطلع القمر
ضحكوا عليه افتكروني بهزر
هنشوف مين فينا هيضحك لما اوصل
بدأنا من الصفر تعبنا ومكنش في جبنا فلوس
بس الثقة في الله اغنى من اي كنوز
عشنا وشفنا المر ومن الدنيا اتعلمنا دروس
يا اما تموت وانت بتحارب يا تعيش من غير حظوظ
طول ما الساعة بتلف هتشوف فيها عقارب
يا اما تموت من السم يا اما تتعلم تقرص
الزمار والطبال بتجمعهم المواويل
مهما تدق على الراس طبول
بنضحك ونقوم نرقص
عايزيني اختفي بس عشان يبانو
النجاح حصان وانا ماسك لجامه
واللي يحبطك سيبك من كلامه
هو زعلان عشان انت عايش أحلامه
بيحاولوا يهدموك
حلمك طير هيحاولوا يوقعوك
انجح لحد ما كل الفشلة يكرهوك
ضيعت حياتي في ايه ربنا هيحاسبني
بصحى كل يوم مش بفكر إلا في حلمي
مفيش وقت للنوم قطر العمر بيجري
لما الأبواب تقفل بقف و أكسرها برجلي
سألوني نفسي اطلع ايه لما اكبر
قولتلهم حلمي اني اطلع القمر
ضحكوا عليه افتكروني بهزر
هنشوف مين فينا هيضحك لما اوصل
محمد رمضان يصور مشاهده فى مسلسل "زلزال"، المقرر عرضه خلال شهر رمضان المقبل، تأليف عبد الرحيم كمال، وإخراج إبراهيم فخر، وإنتاج شركة سينرجى، يشارك محمد رمضان في المسلسل حلا شيحة وماجد المصرى ونسرين أمين وهنادى مهنا وحسام داغر ومصطفى منصور وعدد آخر من الفنانين، ويسجل العمل تعاون محمد رمضان الأول مع شركة سينرجى فى الدراما التليفزيونية.