تبقى دائما الأزمات والشدائد هى التى تكشف عن وجوه الأصدقاء والمقربين ومدى صدقهم فما يتظاهرون به فى الأوقات العادية وهو ما تم كشفه للمطربة مى كساب مع أزمة زوجها أوكا والقبض عليه بتهمة التهرب من التجنيد.
لتبقى أزمة زوجها بمثابة درس مستفاد لها حسب ما أكدته فى رسالة لها عبر حسابها على "إنستجرام" مستعينة فى البداية بكلمات من أغنية "ما فيش صاحب يتصاحب" قائلة : الدرس المستفاد من المحنة دي ما فيش صاحب بيتصاحب ما فيش راجل بقي راجل والنبي يا ولاد انتو بتقولو حكم بس ربنا كبير يمهل ولا يهمل والدنيا دواره.
وتابعت قائلة: ما تقلقش الدور جاي عليك وساعتها مش هتلاقي اَي حد جمبك فرجه قريب وبعد المحنة منحة كلمتين من القلب أوكا وأورتيجا روح واحدة في جسدين بيكملوا بعض في كل حاجة في الحياة وفِي الشغل من أول ما عرفتهم حتي قبل ما أحب محمد شفت طيبة عمري ما شفتها في حياتي وسذاجة وثقة في الناس وكل واحد واطي وحقير كان يجي يدخل بينهم ويضحك عليهم ويستغل طيبتهم لمصلحته وكانوا يا عيني يبقوا عارفين انه مش راجل ومش جدع ومش أخوهم ولا ضهرهم وانه كلام بس فعل ما فيش ومع ذلك كانو سايبينه وبيقولو معلش قطع الارزاق وحش عشان خاطر أهله و عياله وعمرهم ما غدرو بحد ولا خانو حد لكن للأسف المحنه والشدة بتبين كل واحد علي اصله بتجيب الحقيقه اللي في قلب كل واحد الجعان وقليل الأصل والخاين الحمد لله بان علي حقيقته وربنا بعده عننا احلي حاجه جوزي قالهالي من زمان من اول ما عرفته انه بيدعي ربنا دايما انه يبعد عنهم اي حد وحش والحمد لله كلهم بيبعدو عننا مع الف سلامه والقلب داعيلكم هنكسر ورا كل واحد زير كبير خلصنا من الاول فالتاني فتالت الحمد لله غمه وانزاحت من علي قلبنا يلا بينا بقي نقطه ومن اول السطر نبدأ من جديد علي نظافه بِسْم الله الرحمن الرحيم، أوكا واورتيجا، مظلومين".
يذكر أن أوكا وأورتيجا أُلقي القبض عليهما في مطار القاهرة، قبل سفرهما إلى الإمارات لإحياء حفلات غنائية، ووجهت لهما تهمة تزوير قيد عائلي للتهرب من التجنيد، وتم تحويلهما إلى النيابة العسكرية.