توجه الفنان زكى فطين عبد الوهاب بالشكر لأشرف زكى نقيب المهن التمثيلية، بسبب وقوفه بجانبه بعد إصابته بمرض سرطان الرئة، وتوجه بالشكر أيضا للفنانة الكبيرة نادية لطفى لأنها ساعدته فى العلاج داخل مستشفى القوات المسلحة، وقال: الكل عارف إن تكاليف علاج المرض ده قوية جدا ومرتفعة فبجد بوجه لها الشكر على اللى عملته معايا.
وأضاف فى تصريح خاص لـ"عين"، مش عاوز الناس تزعل عليا وكفاية انها تدعى ليا بس، وفاروق الفيشاوى لما أعلن إنه مصاب بمرض السرطان قال انه بيتعامل معاه كأنه برد، انا بتعامل معاه كأنه زغطة، ان شاء الله اكون بخير بقدرة ربنا ودعوات الناس.
وكان الفنان زكى فطين عبد الوهاب، أعلن إصابته بمرض سرطان الرئة خلال حسابه الشخصى على موقع التواصل الاجتماعى "فيس بوك"، ونشر صورة له وعلق عليها قائلا، "أصدقائى الأعزاء دى صورتى، دى مش نيولوك ولا حاجة، أنا اكتشفت إنى عندى سرطان بالرئة من شهر بس، أنا تمام وبتعالج، وبتعامل مع مرضى زى الفنان فاروق الفيشاوى ما قال إنه دور برد وهيعدي.. وأى مريض سرطان لازم يتعامل معاه بنفس المنطق".