شيخ الحارة.. عمر كمال لـ حسن شاكوش: مش بحب شغل الصفار وإحنا كده بنتعامل بميت وش

عمر كمال عمر كمال
 
محمود جلال

انتقد المطرب عمر كمال، طريقة حديث زميله مطرب المهرجانات حسن شاكوش عنه فى وسائل الإعلام، قائلا: "المشكلة بينى وبين شاكوش مش مادية، ولكن مشكلة أدبية، وأنا مش بحب شغل الصفار، وإحنا كده بنتعامل بميت وش، إحنا بشكل عام بنتكلم، لكن اللى فى القلب فى القلب وده شغل نفاق".

ورد عمر كمال، على تصريحات حسن شاكوش، التى قال فيها إنه صاحب نجاح عمر كمال كمطرب، قائلا: "هو بيسعرنى على أساس إيه، أنا أجرى زاد بتعبى ومجهودى، واللى زودنا ربنا وقسملى رزقى وأنا إنسان شبعان وأنا كنت بتكلم فى حقى الأدبى، وأنا قعدت فترة مش موجود وكان حسن اللى متصدر المشهد، ولما نزلت بعد شهر ونص، لقيت الإعلام مترسخ عنده إن بنت الجيران بتاعت حسن شاكوش، وطالبت بحقى الأدبى فقط".

وتابع كمال خلال لقائه ببرنامج "شيخ الحارة والجريئة"، الذى تقدمه المخرجة إيناس الدغيدى: "حسن شاكوش كلمنى بعد حلقة شيخ الحارة اللى ظهر فيها، واعتذر لى، بس أنت متشتمنيش فى شارع وتصالحنى فى حارة".

كما أكد عمر، أن والده كان ملتزما دينيا وتوفى قبل أن يدخل هو مجال الغناء وإن كان حيا لم يكن ليسمح له بالعمل فى المجال الفنى، وقال: "أبويا مات قبل ما أغنى ومشفش نجاحى، وكان ملتزما دينيا، ومكنش يعرف إن صوتى كويس، وكنت لا أجرؤ أقوله عايز أغنى، وأهالينا واخدين انطباع عن الوسط إنه كله مش كويس، ولكن كل حتة فيها الحلو والوحش".

أما عن حياته الشخصية فقال عمر كمال: "حياتى نضيفة لا بشرب سيجارة ولا غيره، وبحافظ على فرض ربنا، وأنا لو اشتغلت فى كباريه أو ديسكو زى ما بخش زى ما بطلع لا ببص يمين ولا شمال وبخلص شغل وأمشى".

وعن نجم المهرجانات حمو بيكا قال عمر: "حمو بيكا من أسباب شهرتى أنا وشاكوش واللى يقول غير كده يبقى إنسان ناكر للجميل"، مشيرا إلى أنهما تعاونا معه فى فترة كان هو نجم الأغنية الشعبية الأول، مما أضاف لهما خلال بداية مسيرتهما فى الطرب الشعبى والمهرجانات.

وأوضح أن أول عمل له مع حمو بيكا حصد 15 مليون مشاهدة على اليوتيوب، وبعدها انطلق هو وحسن شاكوش بمهرجان بنت الجيران، مؤكدا أن بيكا هو سبب من أسباب نجاحهما وبالذات مع حسن شاكوش.
 
 
8d4a5e03-6418-4533-8fdf-9bf6b196fc8b
 

 


اضف تعليق
لا توجد تعليقات على الخبر