رانيا يوسف: أنا وبناتى صحاب جدا ونور الشريف قال لى أنتِ ممثلة كويسة

رانيا يوسف رانيا يوسف
 
سارة صلاح

 أكدت النجمة رانيا يوسف، أنها تمزج بين الشخصية الطيبة والشخصية الجريئة، وأن الحياة أعطتها الكثير من الدروس التى علمتها كيف تأخذ حقها والتحول فى شخصيتها.

وقالت رانيا، خلال برنامج مساء dmc مع الإعلامية إيمان الحصرى، المذاع على قناة dmc: "أنا شخصية طيبة وجريئة؛ لأن الدنيا علمتنى عشان آخد حقى لازم أطالب بحقى أنا تربية بنات راهبات ومكنتش كده بس الدنيا، وعشان تتعلمى لازم تتغيرى والتحول جه من حاجات كتير وراء بعض".

وأضافت: "أنا وبناتى صحاب جدا ومربياهم ومفهماهم إيه الصح وإيه الغلط ومينفعش يكذبوا عليا وطول الوقت مصحباهم، وبابا كان ظابط وراجل عسكرى والكل فاكر إنه ظابط البيت فيه شدة، بالعكس بيت فيه تفاهم وحب واتعلمت صداقة بناتى من صداقة أبويا؛ لأنه متفاهم وعقلانى وأقرب منى من ماما، وأنا امى مش سودانية زى اللى بيتقال أنا من طنطا وأمى صعبة أوى ومفيش حوار بينى وبينها".

وتابعت: "بدأت موديل واشتغلت مضيفة 3 سنين، وكنت لما أطلع رحلة أرجع أمثل أعمل إعلان كده، واللبس متعتى وبحب أسافر، والمهنة بتاعتنا محتاجة شو، وبعد مسلسل الحاج متولى عرفت إنى ممثلة جيدة كويسة، والنجم الراحل نور الشريف قال لى أنتِ ممثلة كويسة، كملى واستمرى، ومسلسل أهل كايرو عديت فترة حلوة، وكان خلاص عندى خبرة فى التمثيل، واشتغلت على نفسى وخدت كورسات تمثيل".

 
 
5ad90624-d1ca-46d1-a4e1-1d9bbe81728c
 

 

5b5447b9-0cc4-478f-af4f-80d124a1bfa9
 

 

12a06885-a017-423d-a0d9-26712b7d4c97
 

 

30d17d19-b947-4478-9190-c824b34256d5
 

 

a7c3f2cf-e854-4899-90e3-9542890d76c4
 

 

c50a31cb-587c-4652-88ea-7e96df997cd4

 


اضف تعليق
لا توجد تعليقات على الخبر