أسما شريف منير بعد حلاقة شعرها: قرار انفعالي وخرجت من فترة صعبة

ردت اسما شريف منير على الانتقادات التي طالتها الساعات الأخيرة عقب أن قامت بحلق شعرها وظهرت بهذا اللوك في حفل افتتاح مهرجان القاهرة للدراما بنسخته الثانية المقام في مدينة العلمين الجديدة.

وكتب اسما شريف منير عبر حسابها بموقع انستجرام: طيب اول حاجة شكراً علي كل ردود الفعل، الوحشة و الحلوة كلها، ساعات موقف زي دي بتخلي ناس تشوف ناس تانية عاملين ازاي مجرد انهم بيعبروا عن رأيهم، و شكراً لكل الناس اللي كانت خايفة و قلقانه عليا، ممكن بقي اقولكم الحكاية من وجهة نظري ببساطة..

أسما شريف منير 

أسما شريف منير: كنت عارفة اني هبقى تريند
 

وأضافت اسما شريف منير: اولاً الحكاية جت بالصدفة جداً و كان قرار لحظي و انفعالي جداً و مش ندمانه عليه، تاني حاجة انا مش بعمل كده عشان اطلع ترند بس كنت عارفة اني هبقي ترند، في فرق كبير بين عايزه و عارفة، علي فكرة الترند ده نقمه مش حاجة حلوة خالص بس مش هدخل في الجدل ده دلوقتي، تالت حاجة انا الحمد لله كويسة و مبسوطة و مش واخدة الخطوة دي بسبب اكتئاب خالص بالعكس، دي صفحة جديدة حلوة مليانه تفاؤل و قوة و ارادة و تحدي و جرأة و شجاعة و كل حاجة ايجابية في الكون.

وقالت أسما شريف منير: انا فعلاً من فترة كنت بمر بمرحلة صعبة جداً بس كنت في رحلة بقالي شوية بتعافي منها و بقف علي رجلي من الاول و كان اخرها رحلة دهب، فا تاني بالعكس ده مش اكتئاب ده مرحلة انتقاليه مؤمنه اني هحقق فيها حاجات كتير..

اخر حاجة الجماعة اللي مكبرين الموضوع (ده شعري مش شعرك)

حاجة كده بجد اخيرة (انا عاجبني شكلي جداً بصراحة، شكله جامد و مديني ثقه في نفسي جداً)

بحبكم اوي بجد 🤍