زعم الفنان المصرى محمد على، شراءه سيارة النجم الأرجنتينى وهداف برشلونة الإسبانى ليونيل ميسى، قائلا: "صاحب معرض سيارات قالى دى عربية ميسى وهو زبونى وعايز يبعها".
وقال على، "إيماناً بأن ربنا بيكرم اللى نيته خير للناس وبيحبهم، موقف كوميدى حصل معايا، أنا أصلاً لما ربنا كرمنى أنا مدمن عربيّات زى ناس كتير، حبيت أغير عربيتى البورش مع أنها عربية مبهرة، لكن أنا مش بعرف ليه بحب الفيرارى، كان اخرى أشوفهم صور وألعب بيهم جيم".
وأضاف على: "من كرم ربنا شوفت فى معرض عربية فيرارى Ferrari California T عجبتنى جداً وبعت البورش، لاقيت صاحب المعرض بيقولى ديه عربيه ميسى وهو زبونى وعايز يبعها، قولت ليا الشرف أركب عربية لاعب عالمى، ثانياً قولته عايزه أضيف عليها حاجات روحت لى واحد وده اللى بيوضب عربيّات المشاهير وطلبت منه إن العربية تاخد روح الفراعنة عشان تبان إن دى عربية الفرعون المصرى فى برشلونة، بعتز بحضارتى وبفتخر، الفرعون المصرى".
يذكر أن الفنان محمد على، شارك فى العديد من الأدوار الفنية منها أفلام القشاش، المعدية والبر التانى، ومسلسلات شارع عبد العزيز، السيدة الأولى، المغنى، طايع والبيت الكبير الجزء الثانى.