عبر المخرج أحمد فوزى صالح، عن سعادته بترشيح فيلمه ورد مسموم للأوسكار، موضحا أن رحلة صناعة الفيلم هى الرحلة الأصعب.
وكتب أحمد فوزى، عبر حسابه على " فيس بوك"، قائلا: "إحنا سعداء برحلة ورد مسموم وإننا قدرنا نعمله في ظروف صعبة كتير واتعلمنا كتير من أخطائنا فيه، ومشاكله اللى هي حاجات هتساعدنا فى شغلنا الجاى، وكنا سعداء جدا باختيار الفيلم فى مسابقة الأعمال الأولى فى مهرجان روتردام كعرض عالمي أول للفيلم".
وتابع أحمد فوزى حديثه، قائلا: "دلوقتي بتيجي لحظة الترشيح للأوسكار واللي ناس كتير بتتناقل الخبر بشكل خاطئ، بداية احنا سعداء بأختيار اللجنة للفيلم عشان يمثل مصر في الأوسكار، ولكن ده تقليد سنوي بيحصل من سنين كتير. احنا بنشكر الناس علي سعداتهم لينا، بس حابين نوضح أن ترشيح الفيلم لا يعني مشاركته في المنافسة النهائية واللى احنا عارفين انها حاجة صعبة".
واختتم فوزى حديثه، قائلا: "رحلة صناعة الفيلم الأول هي الرحلة الأصعب اللي صناع الفيلم بيتعلموا منها اشياء كتير جدا ان كان فنيا او عمليا او إنتاجيا وبيحاولوا فيها يقدموا أسلوبهم ولغتهم، وده المهم، مش مهم ينجحوا أنهم ياخدوا جوائز كتير، ويلفوا مهرجانات أكتر، المهم بالنسبة لنا أننا نستمر في صنع الافلام اللي عايزين نعملها".
"ورد مسموم" من تأليف وإخراج أحمد فوزى صالح، وبطولة محمود حميدة، ومريهان مجدى، وصفاء الطوخى، وإبراهيم النجارى، وكوكى.
أحمد فوزى صالح