فيديو وصور.. كريم عبد العزيز: الجواز فهمنى معنى الحياة وشغلانة التمثيل مش سهلة

كريم عبد العزيز كريم عبد العزيز
 
بهاء نبيل
قال النجم كريم عبد العزيز: "أنا تزوجت عندما كان عمرى 27 عاما للبحث عن الاستقرار، وأن يكون ليا بيت وأسرة، والجواز خلانى فهمت معنى الحياة كويس، ومراتى هى حب عمرى وبقالنا 15 سنة متزوجين".
 

 

وأضاف كريم عبد العزيز، خلال لقائه فى برنامج "السيرة" للإعلامية وفاء الكيلانى، المذاع على DMC: "تربية الأولاد مش سهلة وشغلانة التمثيل مش أى حد يستوعبها، والست اللى بترتبط بفنان لازم يكون لها طابع خاص وذكية عشان تقدر تستوعب كل حاجة، وهايدى زوجتى ربنا كرمنى بيها وهى محللة وناقدة وبحبها تقرأ معايا شغلى".

 

 

وتابع كريم عبد العزيز: "تزوجت تقليدى وهى كانت مقابلة، والدى ووالدها أصحاب من زمان جدا وخلال المقابلة حصل انجذاب وراحة بينا؛ لأنى أنا مقدرش أتجوز بترشيح من العائلة أو جواز صالونات، ولكن دى المرة الوحيدة اللى قابلت واحدة عن طريق الأسرة، واللى عجبنى فيها في الأول طريقة كلامها، وإنها عاقلة وذكية وإنها أكبر من سنها، وأنا أكبر منها بـ10 سنين ونصف".

واستكمل: "هايدى زوجتى غيورة جدا بس عقلانية فى نفس الوقت، وبحبه فيها ومش عاوزها تتغير لأنى مقدرش أعيش مع ست مش غيورة، ولكن هى كان نفسها تغير فيا العصبية والملل، وأنا مش نكدى خالص ولكن مودى شوية، وأنا بحب البيت جدا، وفى الفترة الأخيرة بقيت قليل الخروج، وأنا بحترم زوجتى جدا وهى بتثق فيا وعشان أى راجل يجبر الست على الثقة فيه لازم يحكيلها كل حاجة، وبالأخص لو هى مش موجودة".

 

126279569_198470941724541_2130068392093957206_o

 

126418871_198470911724544_4640628060514625260_o

 

84032-2abcad0a-cc04-4e9e-9c92-c9983b17486a
 
 
83a9327b-ad60-4174-927b-e1e633a37394
 
 
68fa38f4-dd99-4916-8882-d7a47c71e016

 

من ناحية أخرى، يواصل النجم كريم عبد العزيز تصوير مسلسل "الاختيار 2" مع النجم أحمد مكى، حيث يواصل فريق العمل التصوير في الديكورات الرئيسية ويحاول مخرج العمل بيتر ميمى تكثيف عدد ساعات التصوير للانتهاء من معظم المشاهد التي بها أكشن، ووقع اختيار القائمين على المسلسل، على الفنانين إياد نصار وإنجى المقدم وأسماء أبو اليزيد ومحمد علاء وإسلام جمال وهادى الجيار وأحمد شاكر عبد اللطيف ورياض الخولى، فيما تجرى الشركة إبرام التعاقدات مع باقى الفنانين الذين تم ترشيحهم للعمل، إضافة إلى الاستقرار على أسماء ضيوف الشرف الذين يظهرون خلال الحلقات على غرار الجزء الأول.

من ناحية أخرى تعود الإعلامية وفاء الكيلانى إلى تقديم البرامج بعد غياب عامين منذ برنامجها الأخير "تخاريف"، ويعتمد السيرة على استضافة نجوم الفن والمشاهير وإجراء الحوار معه عن المحطات التى مر بها فى حياته، سواء الفنية أو الشخصية وكأنه يكتب مذكراته، وتتضمن قائمة الضيوف عدد كبير من النجوم أبرزه أمير كرارة ويسرا وسمير غانم وآخرين.

 

اضف تعليق
لا توجد تعليقات على الخبر