أطلّ الفنان الشاب آدم الشرقاوي على جمهوره بعد غياب استمر قرابة عامين، كاشفًا ولأول مرة عن الأسباب الحقيقية وراء ابتعاده عن الساحة الفنية والإعلامية، والتي تمثلت في أزمة صحية خطيرة كادت أن تودي به.
ونشر الشرقاوي عبر حسابه على "إنستجرام" رسالة مؤثرة قال فيها: "كان لازم آخد بريك.. من سنتين كنت في حالة صحية صعبة جدًا، وزني وصل لـ110 كيلو، ما كنتش قادر أتنفس، وكنت دايمًا حاسس بضباب في دماغي، لدرجة ما كنتش فاكر أي حاجة، حتى المفاصل كانت بتوجعني ومش قادر أقف لفترات طويلة".
وتابع: "الأسوأ إن حصلتلي جلطات في رجلي، وجسمي كان منتفخ بسبب مشاكل في الكلى. وصلت لمرحلة كنت مش طايق نفسي ولا بعرفني لما أبص في المراية".
ورغم قسوة المرحلة، أشار آدم إلى أنه تمكن من تجاوز أزمته، قائلاً: "دلوقتي بقيت في أحسن حال، رجعت لوزني الطبيعي 80 كيلو، جسمي سليم، ومخي صاحي، وكل أعضائي بقت تمام.. أنا ممتن لكل لحظة وكل تحدي مرّيت بيه".
وختم الشرقاوي رسالته برسالة أمل لجمهوره قائلاً: "ربنا كرمني بفرص جديدة، وأنا متحمّس أشارككم كل اللي اشتغلت عليه الفترة اللي فاتت.. شكرًا لكل اللي وقفوا جنبي".
